Бугун,

  • USD 11095.31
  • RUB 173.84
  • EUR 10772.44

Россияда COVID-19’га қарши эмланмаган фуқароларга чекловлар қўйиш бошланди, деб ёзади «РБК».

Фото: «ТАСС»

Фото: «ТАСС»

Эмланганлик тўғрисидаги гувоҳномасиз, хусусан, Москвада касалхонада муолажа олишга рухсат берилмайди, Нижегород вилоятида кинотеатрларга, Бурятияда эса ҳаммом ёки гўзаллик салонларига бориш тақиқланади.

Бундан ташқари, пойтахтдаги касалхоналарда мунтазам тиббий ёрдамни фақат эмлангандан сўнг олиш мумкин бўлади. Ушбу талаб бир қатор касалликларга чалинганларга (онкология, гематология), шунингдек, эмланиш тавсия этилмаган кишиларга нисбатан қўлланилмайди.

Университет ва коллежларга масофадан туриб эмас, балки шахсан ҳужжат топширувчилар вакцинация сертификатига эга бўлиши лозим.

Айни пайтда мажбурий вакцинация фақат катталар учун жорий қилинган бўлиб, 18 ёшга тўлмаганларга юқоридаги чекловлар тааллуқли эмас.

Россияда ўтган кун давомида 17 262 кишида коронавирус аниқланди. Мамлакатда пандемия бошидан бери жами 5,28 миллиондан ортиқ одам вирус юқтирган. Шуларнинг 4,85 миллион нафари тузалди, 128,4 мингдан ортиғи вафот этди.

Россия ҳудудларида COVID-19 билан касалланишнинг ортиши фонида у ёки бу шаклда мажбурий вакцинация бошланди, асосан, хизмат кўрсатиш, савдо, соғлиқни сақлаш, транспорт ва маданият соҳалари ходимлари, шунингдек, мансабдор шахслар мажбурий эмланмоқда. Аксарият ҳудудларда ходимларнинг камида 60 фоизи қисқа муддат ичида эмланиши лозим. 16 июнь куни Россия Федерацияси президенти матбуот котиби Дмитрий Песков бутун Россия бўйлаб ҳали мажбурий вакцинация жорий қилинмаганини айтди.

Айни пайтда Федерация таркибига кирувчи 85 ҳудуднинг 11 тасида юқоридаги соҳа вакиллари учун вакцинация мажбурий этиб қўйилди. Хусусан, Бошқирдистон, Кемерово вилояти, Ленинград вилояти, Москва ва Москва вилоятида, Ненец автоном округида, Санкт-Петербургда, Тверь вилояти, Тула вилояти ва Хабаровск ўлкасида ходимларнинг 60-80 фоизи икки ой ичида вакцинациядан ўтиши керак.

Эслатиб ўтамиз, Москвада ўтган ойларда COVID-19 билан касалланиш даражаси икки бараварга ошди. Шаҳарда коронавирусга чалинганлар кўпайиб кетгани сабабли янги чекловлар киритилди. Москва ортидан Санкт-Петербург ҳам 17 июндан COVID-19 чекловларини кучайтирди.

Изоҳ
Asosiy yangiliklar
Маҳаллий
Қаршида Cobalt ҳайдовчиси 13 ёшли қизни уриб юбориб, воқеа жойидан қочиб кетди (видео)
Маҳаллий
Ногирон фуқаронинг бўйнига занжир боғлангани акс этган видео юзасидан изоҳ берилди
Маҳаллий
Ўзбекистоннинг катта қисмида ҳафта охирига бориб аномал совуқ бўлиши кутилмоқда