Бугун,

  • USD 11095.31
  • RUB 173.84
  • EUR 10772.44

Янги тадқиқот натижаларига кўра, АҚШнинг марихуана истеъмолига рухсат берилган штатларида сўнгги 10 йил ичида ўлим билан боғлиқ йўл-транспорт ҳодисалари сони ортган, деб хабар беради Motor.

Фото: Pixabay

Фото: Pixabay

Мамлакатда марихуана истеъмоли ва савдосига рекреацион мақсадларда рухсат берувчи штатлар сони ортиб бораётгани сабаб Йўл хавфсизлиги суғурта институти (IIHS) бу йўллардаги хавфсизликка қанчалик таъсир кўрсатганини ўрганишга қарор қилган. Экспертлар 10 йиллик — 2009 йилдан 2019 йилга қадар бўлган маълумотларни таҳлил қилиб чиққан.

25 варақли ҳисоботда марихуана рухсат берилган штатларда қонунан тақиқланган штатларга қараганда жароҳат олиш ёки ўлим билан боғлиқ авариялар сони кўплиги кўрсатилган. Хулосага кўра, марихуанага қонунан рухсат берилган штатларда жароҳат олганлар билан боғлиқ йўл-транспорт ҳодисалари ўртача 6,6 фоизга кўпроқ содир бўлмоқда. Шунингдек, ушбу штатларда ўлим билан боғлиқ авариялар ўртача 2,3 фоизга ортган.

Марихуана савдоси чакана савдо турига айланган штатлардаги статистика эса бундан ҳам хавотирли: IIHS мутахассислари жабрланувчилар билан боғлиқ авариялар 5,6 фоизга, ўлим билан боғлиқ ЙТҲлар эса 3,8 фоизга ошганини қайд этган. Умуман олганда, тадқиқотда таъкидланишича, гиёҳванд моддаларга боғлиқ бўлмаган бошқа омиллар ҳам ушбу натижаларга таъсир кўрсатган бўлиши мумкин. Айни вақтда АҚШнинг 11 та штатида ва Колумбия округида марихуанадан рекреацион мақсадларда фойдаланишга рухсат берилган.

Аввалроқ БМТнинг Гиёҳвандлик воситалари бўйича комиссияси тиббиёт марихуанаси ҳамда унинг ҳосиласини дунёдаги энг хавфли гиёҳванд моддалар тоифасидан чиқариб ташлаш бўйича қарор қабул қилган эди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди