Бадавлатлигига қарамай камтарона ҳаёт кечирадиган машҳурлар (фото)

Молиявий аҳволи ҳавас қилса арзигулик эканига қарамай, пулларни ҳавога совурмайдиган ва оддий ҳаёт кечиришни афзал биладиган машҳурлар ҳақида маълумот бериб ўтамиз.

Билл Гейтс

Дунёнинг энг бадавлат кишиси оддий ҳаёт кечиришни маъқул биладиганлардан. Миллиардер эканлигига қарамай, бургер сотиб олиш учун навбатда турган Гейтснинг сурати бир неча дақиқалар ичида ижтимоий тармоқларга тарқаб, кун мавзуси бўлган. Аммо бу Microsoft асосчиси атрофдагиларга яхши ўрнак бўлган ягона ҳолат эмас. «Мен ҳар ҳар куни кечаси идиш юваман. Бу ишга даъво қилувчилар етарлича, аммо ўзимга бу ишни уддасидан ҳаммадан яхшироқ чиқаётгандек туюлади», — дейди у.

Сара Мишел Геллер

Актриса оддий ҳаёт кечириши билан яхши маълум. Умумий даромади 30 миллионни ташкил қилишига қарамай, Сара ҳар бир чақанинг қадрига етади ва ўйлаб ишлатади. «Нархнинг арзонлиги сифатнинг ёмонлигини билдирмайди. Яна мен ҳамиша купонларни кесиб оламан», — дейди у.

Маришка Харгитей

«Қонун ва тартиб» сериали юлдузи Бенсоннинг детективида суратга тушишдан аввал моддий қийинчиликларни бошдан кечирганини таъкидлаган. «Мени кредит карталардан қарзим жуда ҳам кўп бўлган. Актёрга пул келиши ва кетиши табиий бўлиши мумкин, аммо мен эндиликда барча чиқимларни назорат қилишни ўргандим. Молиявий аҳволимга тўғри келмайдиган нарсадан ортиғини харид қилмайман», — деган у.

Ҳилари Суэнк

Бугунги кунда киносаноатда ўз ўрнига эга Суэнкнинг болалиги қийинчилик билан ўтган. Ўсмирлигида ота-онаси ажрашган, онаси ижарага уй олишга қурби етмаганидан бир муддат машинада яшашларига тўғри келган. Икки карра «Оскар»ни қўлга киритгани ва диққат марказида эканига қарамай у сиполиги билан бошқалардан ажралиб туради. «Менинг гардеробимда оддий кийимлар бисёр, ўзига хос кийиниш учун, албатта, брендлардан кийиниш шарт эмас», — дейди актриса.

Қиролича Елизавета II

Ҳазрати олиялари гардеробидаги либосларни бир мартдан кўпроқ кийиши мумкин. У бошқалар қурби етадиган иситиш воситасидан фойдаланиши, совғалар учун қоғозли ўрамни қайта ишлатиши ва ҳатто 40 ваттдан кўпроқ электр токи сарфлайдиган лампочка ёқтирмаслиги ҳам мумкин. У пулларни эҳтиёт бўлиб ишлатади ва харажатларни ҳисоблаб боради. Гардеробида эса 30-40 йилдан буён ишлатиладиган сумкани ҳам топиш мумкин.