Moliyaviy ahvoli havas qilsa arzigulik ekaniga qaramay, pullarni havoga sovurmaydigan va oddiy hayot kechirishni afzal biladigan mashhurlar haqida ma’lumot berib o‘tamiz.
Bill Geyts
Dunyoning eng badavlat kishisi oddiy hayot kechirishni ma’qul biladiganlardan. Milliarder ekanligiga qaramay, burger sotib olish uchun navbatda turgan Geytsning surati bir necha daqiqalar ichida ijtimoiy tarmoqlarga tarqab, kun mavzusi bo‘lgan. Ammo bu Microsoft asoschisi atrofdagilarga yaxshi o‘rnak bo‘lgan yagona holat emas. “Men har har kuni kechasi idish yuvaman. Bu ishga da’vo qiluvchilar yetarlicha, ammo o‘zimga bu ishni uddasidan hammadan yaxshiroq chiqayotgandek tuyuladi”, — deydi u.
Sara Mishel Geller
Aktrisa oddiy hayot kechirishi bilan yaxshi ma’lum. Umumiy daromadi 30 millionni tashkil qilishiga qaramay, Sara har bir chaqaning qadriga yetadi va o‘ylab ishlatadi. “Narxning arzonligi sifatning yomonligini bildirmaydi. Yana men hamisha kuponlarni kesib olaman”, — deydi u.
Marishka Xargitey
“Qonun va tartib” seriali yulduzi Bensonning detektivida suratga tushishdan avval moddiy qiyinchiliklarni boshdan kechirganini ta’kidlagan. “Meni kredit kartalardan qarzim juda ham ko‘p bo‘lgan. Aktyorga pul kelishi va ketishi tabiiy bo‘lishi mumkin, ammo men endilikda barcha chiqimlarni nazorat qilishni o‘rgandim. Moliyaviy ahvolimga to‘g‘ri kelmaydigan narsadan ortig‘ini xarid qilmayman”, — degan u.
Hilari Suenk
Bugungi kunda kinosanoatda o‘z o‘rniga ega Suenkning bolaligi qiyinchilik bilan o‘tgan. O‘smirligida ota-onasi ajrashgan, onasi ijaraga uy olishga qurbi yetmaganidan bir muddat mashinada yashashlariga to‘g‘ri kelgan. Ikki karra “Oskar”ni qo‘lga kiritgani va diqqat markazida ekaniga qaramay u sipoligi bilan boshqalardan ajralib turadi. “Mening garderobimda oddiy kiyimlar bisyor, o‘ziga xos kiyinish uchun, albatta, brendlardan kiyinish shart emas”, — deydi aktrisa.
Qirolicha Yelizaveta II
Hazrati oliyalari garderobidagi liboslarni bir martdan ko‘proq kiyishi mumkin. U boshqalar qurbi yetadigan isitish vositasidan foydalanishi, sovg‘alar uchun qog‘ozli o‘ramni qayta ishlatishi va hatto 40 vattdan ko‘proq elektr toki sarflaydigan lampochka yoqtirmasligi ham mumkin. U pullarni ehtiyot bo‘lib ishlatadi va xarajatlarni hisoblab boradi. Garderobida esa 30-40 yildan buyon ishlatiladigan sumkani ham topish mumkin.
Izoh (0)