Ижтимоий тармоқларда Xiaomi Mi 12 Ultra’га оид илк миш-мишлар тарқалди. GizChina маълумотларига кўра, смартфон Snapdragon 895 процессори ўрнатиладиган дунёдаги биринчи қурилмага айланади.

Фото: GizChina

Интернетда янги флагман ҳақида бошқа маълумотлар ҳам тарқалган. Хусусан, Xiaomi Mi 12 Ultra 2К сифатли экран тавсифини сақлаб қолади, бироқ 1—120 герцли янгиланиш частотасига эга адаптив LTPO-дисплейга эга бўлади. Бу дисплейнинг янгиланиш частотаси автоматик равишда 1 дан 120 герцгача диапазонда смартфондан фойдаланиш сценарийасидан келиб чиқиб бошқарилишини билдиради. Бу қурилмага қувватни сезиларли даражада тежаш имконини беради.

Тахминларга кўра, Mi 12 Ultra’га сиғими 5000 мА/соатдан каттароқ аккумулятор ўрнатилади.

Фото: GizChina

Шунингдек, смартфон камерасида силжийдиган ёки бураладиган экран ости камера конструкциясига эга бўлади — компаниянинг бу борада кўплаб патентлари мавжуд. Бундан ташқари, Xiaomi Mi 12 Ultra IP68 стандарти бўйича чанг ва намликдан ҳимояланади, иккиталик стереодинамик, кўп функцияли NFC ва инфрақизил портга эга бўлади.

Эслатиб ўтамиз, Хитойнинг Xiaomi компанияси янги Мi 11 смартфонини 2020 йил декабрида тақдим этганди. Мазкур гаджет Snapdragon 888’да ишлайдиган илк смартфонга айланган эди.