National Geographic бешинчи — Жанубий океан мавжудлигини тан олди ва 8 июнь куни уни хариталарда қайд этишни бошлади. Бу ҳақда телеканал сайтига таяниб, «Korrespondent.net» хабар берди. Ушбу сана тасодифан танланмаган, чунки чоршанба куни «Халқаро океанлар куни» нишонланган.

Фото: National Geographic

National Geographic’дагиларнинг кўрсатишича, 1915 йилдан буён улар фақат тўртта океан — Атлантика, Тинч, Ҳинд ва Шимолий Муз океанларини қайд этиб келган. Энди эса унда Жанубий океан ҳам пайдо бўлди — у қуруқлик билан ўралиш ўрнига, қитъани ўраб турган ягона океандир.

Фото: National Geographic

«Жанубий океан олимлар томонидан анча олдин тан олинган, бироқ халқаро даражада келишув бўлмагани сабаб уни расман тан олмаган эдик», — дейди Миллий география ҳамжамияти вакили Алекс Тейт.

Таъкидланишича, узоқ йиллар давомида географлар Антарктида атрофидаги сувлар ўз номига эга бўлиши учун ноёб жиҳатга эга ёки эга эмаслигини ёки у Тинч, Атлантика ва Ҳинд океанларининг давоми эканини муҳокама қилиб келган.

Фото: National Geographic

National Геограпгиc денгиз номларида Халқаро гидрографик ташкилотга (ХГТ) риоя қилади. Ташкилот уларни аниқлашда бевосита жавобгар бўлмаса-да, у БМТнинг халқаро масштабда номларни стандартлаштириш борасидаги экспертлар гуруҳи билан ҳамкорлик қилиб келади.

1937 йилда ХГТ Жанубий океанни тан олган, бироқ 1953 йилда илмий ҳамжамият босими остида ушбу қарорни бекор қилган.

АҚШнинг географик номлар бўйича кенгаши алоҳида океан номидан 1999 йилдан буён фойдаланиб келади, 2021 йилнинг февралида Американинг Миллий океан ва атмосфера бошқармаси тадқиқотлари давомида Жанубий океан алоҳида океан сифатида тан олинган.

Аввалроқ олимлар Ер сайёрасидаги энг тоза ҳаво Жанубий океанда эканлигини аниқлаган эди.