Англия Премьер Лигасида 2020/21 йилги мавсумнинг энг яхши ўйинчиси аниқланди

Англия Премьер Лигаси 2020/21 йилги мавсумнинг энг яхши футболчиси номини эълон қилди.

Натижаларга кўра, 2020/21 йилги мавсумнинг энг яхши ўйинчиси «Манчестер Сити» ҳимоячиси Рубен Диаш бўлди.

Соврин учун Кевин де Брюйне («Манчестер Сити»), Бруну Фернандеш («Манчестер Юнайтед»), Жек Грилиш («Астон Вилла»), Ҳарри Кейн («Тоттенҳэм»), Мэйсон Маунт («Челси»), Муҳаммад Салоҳ («Ливерпуль») ва Томаш Соучек («Вест Ҳэм») каби футболчиларнинг номзоди қўйилган эди.

Аввалроқ, португалиялик футболчи Кевин де Брюйне ва Ҳарри Кейнни ортда қолдириб, журналистлар эътирофига кўра АПЛнинг энг яхши футболчиси номига сазовор бўлганди.

2020 йилнинг сентябрь ойида «шаҳарликлар» Диашни «Бенфика»дам 68 миллион евро эвазига харид қилганди. Рубен Англия Премьер Лигасида 32 ўйинда майдонга тушди ва 1 та гол урди.