Олимжон Ўсаров Журналистлар ижодий уюшмаси раиси бўлди

Олимжон Ўсаров 4 июнь куни Ўзбекистон журналистлари ижодий уюшмаси раиси этиб сайланди, деб хабар бермоқда АОКА матбуот хизмати.

Олимжон Ўсаров 1973 йил Самарқандда туғилган. Ўзбекистон Миллий университетини (1996), Тошкент Давлат юридик институтини (2002) тамомлаган.

Турли йилларда Олий Мажлис Қонунчилик палатаси депутати, Олий суд ахборот хизмати раҳбари лавозимларида фаолият юритган. Тайинловга қадар у «Нуроний» газетаси бош муҳаррири сифатида ишлаб келаётганди.

Ўзбекистон Журналистлари ижодий уюшмасининг аввалги раиси Саъдулла Ҳакимов 2020 йилнинг октябрида 69 ёшида вафот этганди.