Тошкент шаҳар ҳокими Жаҳонгир Ортиқхўжаев 2 июнь куни Американинг Crow Holdings компанияси вакиллари билан учрашди, деб хабар берди пойтахт ҳокимлиги матбуот хизматига таяниб «Gazeta.uz».
Ҳоким меҳмонларга сўнгги уч йил ичида Тошкент иқтисодиёти икки баравар ўсганлигини айтди (Жаҳонгир Ортиқхўжаев шаҳарни 2018 йил апрелидан бери бошқариб келмоқда). Унга кўра, худди шу даврдаги қурилиш кўлами ўтган 70 йил ичида қилинган иш ҳажмига тенг (нашр этилганидан бир мунча вақт ўтгач, ушбу изоҳ хабардан олиб ташланди).
Ҳокимнинг сўзларига кўра, сўнгги уч йил ичида пойтахтда 22 та ерусти ва 4 та ерости метро бекатлари қурилган.
«Шунингдек, у хизмат кўрсатиш соҳасида таълим, тиббиёт, спорт ва гастрономик туризмни ривожлантириш бўйича ишлар олиб борилаётганини, шунда шаҳар сайёҳлар учун энг қулай ва жозибали бўлиб қолишини айтди», – дейилади хабарда.
Давлат статистика қўмитаси маълумотларига кўра, аслида, Тошкент шаҳрининг ялпи ҳудудий маҳсулоти 2018 йилда 64,5 триллион сўмни ташкил этган (ўсиш – 11,1 фоиз), 2019 йилда 86,1 триллион сўм (ўсиш 8,4 фоиз), 2020 йилда эса 97,5 триллион сўм (ўсиш 1,8 фоиз). Уч йил давомида ЯҲМнинг ўсиш суръати 22,6 фоизни ташкил этди (111,9 * 108,8 * 101,5 / 10000 – Давлат статистика қўмитасининг формуласи).
Ялпи ҳудудий маҳсулот (ЯҲМ) – бу минтақа ривожланишининг умумлаштирилган кўрсаткичидир. ЯИМ – бу иқтисодий мазмуни бўйича ЯИМ билан бир хил кўрсаткичдир, яъни у маълум бир минтақанинг резидентлари бўлган иқтисодий бирликлар томонидан ишлаб чиқарилган маҳсулот ва хизматларнинг нархини акс эттиради.
Бундан ташқари, Spot маълумотларига кўра, Тошкент мамлакатдаги энг кўп қурилиш ташкилотларига эга ҳудуд. Унда 8339 қурилиш ташкилот мавжуд. Бу борада Фарғона вилояти иккинчи ўринда (3385), Қашқадарё вилояти учинчи ўринда (3376).
Мавзуга доир:
Изоҳ (0)