Og‘ir operatsiyalarni boshdan kechirgan mashhurlar (foto)

Salomatlikni tiklash uchun o‘ta xavfli operatsiyalarni o‘tkazishga majbur bo‘lgan yulduzlar bilan quyida tanishish mumkin.

Selena Gomes

2017-yil qo‘shiqchi buyrak transplantatsiyasi bo‘yicha qiyin operatsiyani boshdan kechirgan. Donor Selenaning dugonasi – aktrisa Fransiya Rays edi. Birinchi marta yulduz o‘zining tashxisi haqida 2015-yilda bilgan. Kasallik bilan kurash paytida u kimyoviy terapiya olgan, depressiya va vahimani yengishga harakat qilgan.

Anjelina Joli

Besh farzandning onasi 2013-yilda ko‘krak bezi saratoni rivojlanishiga irsiy moyilligi haqida xabar topgan. Uning onasi va buvisi ilgari ushbu kasallikdan vafot etgandi. Jiddiy kasal bo‘lish xavfi tufayli yulduz profilaktika choralarini ko‘rdi va sut bezlarini olib tashlash bo‘yicha operatsiyani o‘tkazdi, keyinchalik tuxumdonlar va bachadon naychalari ham olib tashlandi. “Men o‘z farzandlarimning ulg‘ayishi va nevaralarimni ko‘rish imkoniyatini oshirish uchun to‘g‘ri tanlov qilganimni his qilyapman”, – deydi aktrisa.

Emiliya Klark

2019-yilda “Taxtlar o‘yini” yulduzining tan olishicha, serialning birinchi mavsumida suratga tushish ishlari tugaganidan so‘ng aktrisa insultdan vafot etishiga bir baxya qolgan. Emiliya anevrizm bilan og‘rigan va sog‘lig‘idagi muammolar deyarli tasodifan aniqlangan. Aktrisa o‘sha vaqtda hushidan ketgan va kasalxonaga borgan, u yerda darhol miyasidan operatsiya qilingan.  Afsuski, kasallik ikki yildan so‘ng qaytalagan va aktrisa yana operatsiyani boshdan kechirishga majbur bo‘ldi. Lekin operatsiya muvaffaqiyatli yakunlandi.

Sara Xaylend

“Vampirlar akademiyasi” yulduzi to‘qqiz yoshga to‘lganida shifokorlar unga buyrak displazi tashxisini qo‘ygan. 2012-yilda Sara birinchi transplantatsiyani amalga oshirgan va otasi donor sifatida ishtirok etgan. Afsuski, organ ildiz otmagan, shuning uchun 2017-yilda uni olib tashlashga to‘g‘ri kelgan. Shundan so‘ng yulduz depressiya bilan kurashdi, lekin o‘zini qo‘lga oldi va tez orada yana bir transplantatsiya amalga oshirildi. Bu safar akasi unga buyragini hadya qildi. Yaxshiyamki, bu safar hammasi yaxshi bo‘lib chiqdi va aktrisa normal hayotga qaytishga muvaffaq bo‘ldi.

Kristina Epplgeyt

“Juda yomon onalar” filmining yulduzi ko‘krak saratoniga qarshi 2008-yilda kurashgan. U bunday tashxisga ruhan tayyor edi, chunki bundan oldin onasi ham kimyoviy terapiyadan muvaffaqiyatli o‘tgandi. Natijada uzoq muddatli davolanishdan so‘ng Kristina o‘smaning qayta rivojlanish ehtimolini bartaraf qilish uchun ikkala sut bezini olib tashlash bo‘yicha operatsiyani boshdan kechirdi.