Видео: Ёғоч бўлагидан Hyundai Santa Fe нусхасини яратиш жараёни

YouTube’даги Woodworking Art каналининг муаллифи ва ветнамлик блогер ёғоч бўлагидан Hyundai Santa Fe нусхасини яратиш жараёни тасвирланган видео билан бўлишди. Уста 1:13 масштабдаги йўлтанламас моделини бир неча ҳафта давомида яратган бўлиб, бутун жараённи 13 дақиқали роликка жойлаштирган, деб хабар беради Motor.

Вьетнамлик дурадгор учун автомобилларнинг ёғоч нусхасини яратиш хобби ҳисобланади, аммо эркак кичик модель оригиналига максимал даражада ўхшаш бўлиши учун қўл остидаги барча асбоб-анжомлардан фойдаланишига тўғри келади.

Woodworking Art’даги ишлар майда деталларга ҳам эътибор қаратилиши билан кишини ўзига жалб этади: блогер шина чизиқлари, ғилдирак дискаларидаги суратлар ёки ҳаво панжараларининг мураккаб структурасини чизишга эринмайди.

Hyundai Santa Fe’нинг ёғоч нусхасининг «подвеска»си ишлайди, эшиклари, капот ва юкхонаси очилади, салонида марказий туннел, ечиладиган ўриндиқ ва руль мавжуд. Яқиндан буён уста ўз машиналарини лак билан қоплаб, турли рангларга бўяшни ва ойналарни «тонировка» қилишни бошлаган.

Woodworking Art каналининг энг машҳур видеоси Toyota Land Cruiser Prado нусхасини яратиш тасвирланган ролик бўлиб, уни қарийб 150 миллион киши томоша қилган.