Вадим Абрамов: «Кетма-кет иккинчи ўйинда ютқаза туриб, вазиятни ўнглай олдик»
Ўзбекистон миллий терма жамоаси Вадим Абрамов Таиландга қарши кечган назорат учрашувидан (4:1) кейин ўз фикрлари билан ўртоқлашди.
Ўзимиз учун етарли хулосаларни чиқардик, ёқимли ва ёқимсиз ҳолатлар бор. Иш жараёни кетмоқда, рақиб муносиб ҳаракат қилди. Умуман олганда ҳаммаси яхши, иссиқ ҳавога кўникяпмиз.Айрим вазиятлар устида ишлашимиз керак. Хурсанд қиладиган томони кетма-кет иккинчи ўйинда ютқаза туриб, вазиятни ўнглашга эришдик. Бироқ барибир тўп ўтказиб юбораётганимиз хурсанд қилмаяпти. Ҳозирча муаммо шунда.
Менимча, Сингапур ҳам шу даражадаги жамоа. Таиланднинг бундан аввалги ўйинини кўргандик. Рақибнинг айрим жиҳатларини ўргандик ва бундан фойдаландик. Бироқ бу ўйинга жиддий қараш керак эмас. Расмий ўйинларда буткул бошқача бўлади.
Вадим Абрамов, Ўзбекистон терма жамоаси бош мураббийи
Ўзбекистон—Таиланд учрашувида киритилган голларни бу ерда томоша қилиш мумкин → видео.
Ўзбекистон терма жамоаси саралаш босқичида Сингапур (7 июнь), Яман (11 июнь) ва Саудия Арабистонига (15 июнь) қарши ўйинлар ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
