Тошкент шаҳрида 29 май куни соат 21:00 атрофида бошланиб, тахминан, бир соатдан ортиқ давом этган кучли шамол чанг бўронларини келтириб чиқарди. Telegram’даги @uzb_meteo канали маълумотларига кўра, 20:51 да шаҳарда кўринувчанлик 2 километргача қисқарган, сониясига 14 метр тезликда шамол эсган. Соат 21:29 га келиб шамолнинг тезлиги сониясига 17 метргача кучайган.
Шаҳардаги иқлим шароити ноқулай бўлгани муносабати билан («Тошкент осмони янгиликлари» маълумотига кўра, чанг бўрони ва кучли шамол сабабли) Uzbekistan Airways’нинг Бухородан Airbus A320 neo самолётида амалга оширилаётган HY-9026 чартер рейси, маълум вақт кутишдан сўнг, Тошкентга қўна олмай, захира аэродроми — Самарқандга йўналтирилган.
Чанг бўрони Тошкент аэропортининг бошқа рейсларига қанчалик таъсир қилгани ҳақида ҳозирча аниқ маълумот йўқ.
Мавзуга доир: Видео: Андижондаги чанг бўрони
Изоҳ (0)