Бугун,

  • USD 11095.31
  • RUB 173.84
  • EUR 10772.44

Нафақат тери, балки тирноқ ва соч билан боғлиқ ҳар қандай муаммо ҳам дерматологга бориш учун баҳона бўла олади.

Фото: Marie Claire

Фото: Marie Claire

Шубҳали холларнинг пайдо бўлиши

Меланома билан касалланган кишилар сони йилдан йилга кўпайиб бормоқда. Касалликни даволаш ва бемор ҳаётини сақлаб қолиш учун эса ташхис қанча эрта қўйилса, шунча яхши. Шу сабаб ҳам қуйидагилар кузатилса, шифокорга боришни кечга қолдирмаслик керак:

  • кўз, тери ва соч рангининг очариши;
  • қуёш нуридан бир зумда қорайиш;
  • қуёш вақти кўп юриш ёки қуёш ваннасида кўп бўлиш;
  • қариндошларда меланома ва терининг турли саратонлари аниқланганда;
  • танада бошқаларидан шакли, ранги ва катталиги фарқ қиладиган хол ва ўсмалар пайдо бўлиши;
  • холларнинг 30 ёшдан кейин пайдо бўлиши, дерматолог шифокор кўригидан ўтишга сабаб бўла олади.
Терининг қичиши

Кўпинча дерматит, экзема, темиратки ёки организм учун турли хавф келтириб чиқарадиган бошқа касалликлар билан кечадиган қичима нафақат аллергик, балки онкологик касалликлардан ҳам дарак бериши мумкин. Шунингдек, қичима асаб тизими билан боғлиқ муаммолар сабаб ҳам келиб чиқиши мумкин.

Терига тошма тошиши

Терига доғ ёки бошқа кўринишдаги тошма тошиши ва узоқ вақт давомида ҳам ўтиб кетмаслиги терининг онкологик касалликларига хос симптом бўлиши мумкин.

Оғиз бўшлиғининг шиллиқ қаватида яра пайдо бўлиши

Оғиздаги яралар жиддий касалликлардан бири бўлган пемфигусдан далолат бериши, шифокорлар эса ташхис қўйишга янглишиши мумкин. Қолаверса, ошқозон-ичак тракти ва онкологик касалликлар ҳам яра пайдо бўлишининг сабаби бўлиши мумкин.

Тер ажралишининг кўпайиши (гипергидроз)

Тер ажралишининг кўпайиши неврологик, гормонал ва қалқонсимон без касалликлари сабаб ҳам кузатилиши мумкин.

Тирноқларнинг ўзгариши

Тирноқларнинг юпқалашиши, шаклининг ўзгариши витамин ва минераллар танқислиги ва замбуруғ, жигар, буйрак ҳамда ошқозон-ичак, аутоиммун касалликлар билан боғлиқ бўлиши мумкин.

Соч тўкилиши

Меъёрда одамда бир кунда ўртача 100 тола соч тўкилади. Одатдагидан кўпроқ тўкилиши эса қалқонсимон без,аутоиммун касалликлари, витамин танқислиги ва айрим дори воситаларини узоқ вақт давомида қабул қилиш билан алоқадор бўлиши мумкин.

Изоҳ
Асосий янгиликлар
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк