Instagram: Мирза Азизовни хотирлаётган санъаткорлар, боғча очаётган Муниса Ризаева, Фаррух Зокиров 75 ёшда

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Ўзбекистонлик машҳурлар 16 апрель куни вафот этган таниқли актёр Мирза Азизовни хотирламоқда.

Муқаддас Саъдуллаева актёрнинг Рамазон пайтида вафот этгани унинг Аллоҳ суйган банда эканлигини билдириши ҳақида ёзди.

Дилдора Рустамова Мирза Азизовни атрофдагиларга фақат яхшилик улашган ажойиб инсон эканлиги ҳақида гапирди.

Лола Аҳмедова «Муҳаббатимсан» фильмида бош ролни ижро этишига Мирза Азизов туртки бўлганини ёзди.

Мавлуда Асалхўжаева марҳумнинг яқинларига чуқур ҳамдардлик билдирди.

Гулсанам Мамазоитова актёрнинг ўлимидан бутун санъат аҳли қайғуда эканлигини ёзди.

Мирзабек Холмедов ҳам марҳумнинг яқинларига сабр тилади.

Режиссёр Зебо Наврўзова туғилган кунида ўғиллари ва келинлари билан фотосессия уюштирди.

Режиссёр туғилган кунини ўғиллари, келинлари ва неваралари қуршовида нишонлади.

Ўзбекистон халқ артисти Фаррух Зокиров 16 апрель куни 75 ёшни қарши олди.

Шоҳжаҳон Жўраева Фаррух Зокировни туғилган куни билан табриклади.

Жаҳонгир Позилжонов Дубайда клип суратга олдирмоқда.

Зарина Низомиддинова рўза тутаётганларга сабр тилади.

Райҳон оиласи билан дам олиш учун Дубайга учиб кетди.

Хонанда Муниса Ризаева боғча очаётганини маълум қилди.