Бугун,

  • USD 11095.31
  • RUB 173.84
  • EUR 10772.44

Ангренда ходимларини сўкиб, ярим тунда бошқармага боришни буюрган МИБ бошлиғи ҳаракатлари Сенатнинг Суд-ҳуқуқ масалалари ва коррупцияга қарши курашиш қўмитаси томонидан назоратга олинди. Бу ҳақда Сенат матбуот хизмати хабар берди.

Фото: «Дарё»

Фото: «Дарё»

Унда айтилишича, МИБ Ангрен шаҳар бўлими бошлиғи М.Ю. ходимларнинг Telegram гуруҳида ижро ходимларининг кунлик режасини бажармаганлиги учун уларни касб одобномасига, инсонийлик фазилатларига, қолаверса, аёллик фазилатларига тўғри келмайдиган ҳамда куракда турмайдиган сўзлар билан ҳақоратлаган.

«Мамлакатимизда инсон қадри ҳамма нарсадан устун бўлиб турган бир пайтда, афсуски, бундай ‘раҳбарлар’ ҳам учрамоқда. Табиийки, ушбу ҳолат сенаторларни ҳам бефарқ қолдирмади. Шу боис Сенатнинг Суд-ҳуқуқ масалалари ва коррупцияга қарши курашиш қўмитаси Ўзбекистон Республикаси Мажбурий ижро бюросидан мазкур ҳолат бўйича бюронинг Ангрен шаҳар бўлими бошлиғининг хатти-ҳаракатларини атрофлича таҳлил қилиб, қонуний чора кўрилиши ва тегишли ахборот тақдим этилишини сўрайди», — дейилади Ўзбекистон парламенти юқори палатаси хабарида.

Шунингдек, қайд этилишича, ижтимоий тармоқларда «МИБнинг Қорақалпоғистон Республикаси бошқармаси ходимлари номидан бош прокурорга шикоят йўлланган. Ҳолатни марказий аппарат ўрганмоқда» номли хабар эълон қилинган. Ушбу ҳолатни ўрганиш натижалари юзасидан баёнот берилмаган.

«Ўз ўрнида, мазкур ҳолат Бош прокуратура томонидан назоратга олинган ҳолда ўрганиб чиқилиши ва натижаси юзасидан расмий баёнот берилиши сўралади», — дейилади хабарда.

Ҳар икки ҳолат Сенатнинг Суд-ҳуқуқ масалалари ва коррупцияга қарши курашиш қўмитаси томонидан назоратга олингани маълум қилинган.

Изоҳ
Асосий янгиликлар
Маҳаллий
Туркманистон Ўзбекистонга текинга газ етказиб беради 
Маҳаллий
Тошкентда кўприк устидаги “Газел” ёниб кетди (видео)
Бизнес
Россиядан Осиёга кўмир экспорти нархи ошгани маълум қилинди