Россиялик аёл чиқиндилардан рэпер Моргенштерн портретини ясади (видео)

Рассом Евгения Хайбуллина 23 яшар рэпер Алишер Моргенштерннинг ижодига ўз муносабатини билдирди. Қиз ўз вазифасини усталик билан бажарди.

Евгения ижрочининг портертини яратиш жараёнини босқичма-босқич намойиш этди. Дастлаб Уфа шаҳрида яшовчи рассом чиқинди қутисини бўшатди ва қўлқопларини ечмаган ҳолда мусиқачининг расмини туза бошлади. Рассомнинг сўзларига кўра, у мамлакатда болалар келажагига бефарқ бўлишга йўл қўймайдиган «машҳур экаклар» борлигидан хурсанд. «Мен ҳам бир она сифатида четда қараб тура олмайман ва фарзандим бу каби бемаъни мусиқачини тинглашини хоҳламайман», − дейди Евгения. Унинг таъкидлашича, ота-оналар доим ҳам фарзандларининг интернетдан топган нарсаларини назорат қила олмайди. Евгения бундай қўшиқлар билан биргаликда ҳақорат, гиёҳвандлик ва спиртли ичимликларни оммалаштиришни чеклаш кераклигига ишонч билдирган.

Сўнгги вақтларда тез-тез рэперга қарши танқидлар эшитилмоқда. Мусиқачининг қўшиқлари ҳатто таниқли спортчиларнинг ҳам эътиборини тортган. Уларнинг фикрига кўра, бу каби қўшиқ матнлари ёш авлод учун ҳақиқий хавф туғдиради. Аралаш спорт тури жангчиси Александр Шлеменко бу ҳақда биринчилардан бўлиб гапирди. У рэперни юзида пентаграммаси бўлган шайтон деб атади. «Бу ўзи қўшиқларида нимани куйлайди? Аёлларга нимани такилф қилмоқда?», − дейди ғазабланган Александр.

Унинг фикрини Ҳабиб Нурмагомедов ҳам қўллаб-қувватлади. Ҳабиб ундан ҳам қаттиқроқ гапирди – рэпернинг ижодини тушунтирар эка, иборалар қўллашда тортинмади. «Қадриятлар ўзгарди, бунинг энг қўрқинчилиси – болалар учун. Боланинг бегонаси бўлмайди. Умид қиламанки, мамлакатимизда бу каби ахлоқсизликни назорат қиладиган ва тозалайдиган бирор интизомий орган пайдо бўлади», − дейди спортчи.

https://www.instagram.com/p/CM6di1OgIJX/