Мадриднинг «Атлетико» клуби ҳужумчиси Мусса Дембеле жамоавий машғулотлар вақтида ўзини ёмон ҳис қилди.
Футболчи ҳушини йўқотиб, майдонга йиқилган. Кейинчалик маълум бўлишича, бунга қон босимининг тушиб кетиши сабаб бўлган.
«Атлетико» матбуот хизматининг маълум қилишича, футболчининг ҳолати яхши ва унинг ҳаётига ҳеч нарса хавф солмаяпти.
Дембеле машғулотлардан кейин ўзи мустақил овқатланган ва шахсий автомобилида уйига йўл олган.
«Атлетико» Дембелени январда «Лион»дан ижарага олганди. 24 ёшли футболчи шу вақтга қадар Ла Лигада иккита ўйинда майдонга тушди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)