Аллақачон бобо ва буви бўлганида фарзанд кўрган машҳурлар билан танишинг.
Мик Жаггер
The Rolling Stones гуруҳи етакчиси Мик Жаггер 8 нафар фарзанднинг отаси, саккизинчи фарзанди дунёга келган 2016 йилда у нафақат 73 ёшда, балки аллақачон эварали бўлиб улгурганди. 2014 йилда иккинчи фарзанди Жейднинг қизи бўлган невараси унга эвара ҳадя этган.
Алла Пугачёва
Тиббиёт ривожланиши туфайли аёллар кеч ҳомиладорликнинг қийинчиликлари ва хавф-хатарларини бошдан кечирмасдан фарзандли бўлиш имкониятига эга бўлди. Максим Галкин ва Алла Пугачёванинг фарзандлари — қизи Лиза ва ўғли Гарри примадонна 64 ёшда эканлигида суррогат она ёрдамида дунёга келган. Пугачёванинг уч нафар набираси — Никита, Денис ва Клавдия (Кристина Орбакайтенинг фарзандлари)ни ёш жиҳатдан улардан катта дейиш мумкин. Аниқроғи, энг кичик невараси Клаудия атиги бир йил олдин туғилган.
Роберт Де Ниро
Ҳозирда актёрнинг тўрт нафар набираси бор — учтаси биринчи ўғли Рафаэлдан ва биттаси қизи Дренадан. Де Ниронинг сўнгги фарзанди — қизи Ҳелен 2011 йилда суррогат она ёрдамида туғилган, актёр ўша пайтда 68 ёшда бўлиб, аллақачон икки неваранинг бобоси бўлган эди.
Лера Кудрявцева
Телебошловчининг қизи — Маша унинг неварасидан уч ойликка кичик, холос. Маша 2018 йил 9 августда туғилган бўлса, Леранинг набираси Лео ўша йилнинг 20 майида дунёга келган. Аҳамиятли жиҳати шундаки, Лера қизини 47 ёшида ўзи дунёга келтирган. Ҳозирги кунда бу деярли қаҳрамонлик билан тенг.
Чарли Чаплин
Актёр кенжа ўғли дунёга келганда 73 ёшда бўлган. Чаплин 11 нафар фарзанднинг отаси бўлиб, энг кичик ўғли Кристофер Жеймс 1962 йилда туғилган. Ўша пайтда Чаплин аллақачон неварали эди. Актёр кенжа ўғлини ҳам оёққа қўйишга улгурган. Чаплин 88 ёшида Кристофернинг 15 ёшини кўриб, оламдан ўтган.
Ҳулио Иглесиас
Ҳулио Иглесиас саккиз фарзанднинг отаси бўлиб, сўнгги фарзанди туғилганда қўшиқчи 64 ёшда эди. Ҳулио 57 ёшидаёқ неварали бўлган: катта қизи Мария унинг биринчи набирасини дунёга келтирган.
Мавзуга доир:
- Актёр Алек Болдуин 62 ёшида еттинчи марта ота бўлди
- 50 дан ошса-да, киноларда навқирон йигитлар ролини ижро этадиган Болливуд актёрлари (фото)
- Женнифер Лопес, Ким Кардашьян ва 20 йил аввалгидан кўра яхшироқ кўринишга эга бўлган бошқа юлдузлар (фото)
- Худди кинодагидек ҳаёт: Голливуд юлдузларининг севги ҳикояси