Италиянинг Турин шаҳрида Politecnico di Torino (Турин политехника университети) магистр талаба ёшлари томонидан Ўзбекистон ёшлари ассоциацияси ташкил этилди, деб хабар бермоқда «Xabar.uz».
Қайд этилишича, уюшма 2021 йилнинг 20 февралидан ўз фаолиятини бошлади.
Ассоциациянинг асосий мақсади Ўзбекистондаги ёшларни Италия университетлари билан яқиндан таништириш, уларга талабаликкача бўлган даврда кўмаклашишдан иборат. Хусусан, университетга топшириш учун керак бўладиган ҳужжатлар, университет томонидан қўйилган талаблар, ОТМ ва Италия ҳукумати таъсис этган грантлар (scholarship) тўғрисида маълумот, Visa олиш тартиби ва бошқа ҳужжатларга оид саволларга жавоб топишда кўмаклашади.
Бундан ташқари, ассоциация Италиядаги ўзбекистонликларни ҳам қўллаб-қувватлайди. Уларни бу мамлакатда содир бўлаётган ўзгаришлар, чекловлар, имтиёзлар ҳақида хабардор қилиб бориш билан бирга, талабалар орасида турли тадбирлар ташкиллаштиришни мақсад қилган.
Ассоциация вакилларининг мақсади турли қийинчиликларга дуч келаётган билимли ёшларга кўмаклашишдан иборат бўлгани сабабли бепул хизмат кўрсатилади.
Изоҳ (0)