Бош прокуратура Республика ихтисослаштирилган онкология ва радиология илмий-амалий маркази Тошкент шаҳар филиалининг бир гуруҳ ходимлари томонидан Президентга йўлланган мурожаати бўйича расмий баёнот билан чиқди.
Ижтимоий тармоқларда Республика ихтисослаштирилган онкология ва радиология илмий-амалий маркази Тошкент шаҳар филиалининг бир гуруҳ ходимлари муассасада юз бераётган салбий ҳолатларга қонуний баҳо беришни сўраб, Президентга мурожаат йўллагани тасвирланган видео кенг баҳс-мунозарага сабаб бўлди.
Видеомурожаатда таъкидланишича, марказнинг Тошкент шаҳар филиали директори бошчилигидаги бир гуруҳ шахслар томонидан коррупция ҳаракатлари очиқдан очиқ кучайиб кетган. Марказ директори ўзининг қўл остидаги ишончли шахслар орқали беморлар ва уларнинг қариндошларидан касалликни тузатиш баҳонасида турли йўллар ва воситалар билан пул талаб қилиш йўлига ўтган.
https://www.facebook.com/100012529200311/videos/1106729976421299
Аниқланишича, 2021 йил 2 февраль куни Чилонзор тумани прокуратураси томонидан Республика ихтисослаштирилган онкология ва радиология илмий-амалий маркази Тошкент шаҳар филиали мансабдор шахсларига нисбатан Жиноят кодексининг 167-моддаси (ўзлаштириш ёки растрата йўли билан талон-торож қилиш) 2-қисми «г» банди билан жиноят иши қўзғатилган.
Ҳозирда дастлабки тергов ҳаракатлари олиб борилмоқда. Мазкур жиноят иши тергови Бош прокуратура томонидан назоратга олинган.
Аввалроқ Ўзбекистонда сўнгги икки йил ичида коррупцион жиноятлар оқибатида жами 371 миллиард сўм бюджет маблағлари талон-торож қилингани тўғрисида хабар берилганди.
Изоҳ (0)