Техас штатининг Даллас шаҳрида истиқомат қилувчи Альфонсо Флорес бўйини ўстириб, худди баскетболчиларга ўхшаш борасидаги орзусини амалга ошириш учун 75 минг долларга оёқларини операция қилдирди, деб хабар беради «Korrespondent.net».
Таъкидланишича, 28 ёшли эркак ўсмирлигидаёқ бўйи баланд бўлишини истаган. 2020 йилда у жарроҳ-ортопед Кевин Дебипаршад раҳбарлигидаги Лас-Вегасда жойлашган клиникаларнинг бирида қиммат турувчи операцияни ўтказишга қарор қилган.
Доктор Дебипаршаднинг сўзларига кўра, тос сонини узайтириш бўйича LimbplastX соатбай косметик жараёни минимал даражада инвазив ҳисобланади — жарроҳлар бемор оёғида тўрттадан олтитагача кесишларни амалга оширади.
Сон суяги бўшлиғига бемор масофадан туриб бошқариш пульти ёрдамида бошқара оладиган суперзамонавий имплант жойлаштирилади. Секин-аста узайиб, қурилма суякни чўзади.
Алфонсо жарроҳлик амалиётидан бир соат ўтиб, юра бошлаган ва унинг тан олишича, операция кутганидек оғриқли бўлиб чиқмаган.
Натижада эркакнинг бўйи беш сантиметрга ошиб, 185 сантиметрга етган.
«180 сантиметр яхши бўй эканлигини биламан ва кўплаб инсонлар шунга ҳам хурсанд бўлади, аммо мен баландроқ бўлишни хоҳладим», — дейди америкалик.
У ўзи ҳавас қилган инсонлар орасида баскетболчилар Майкл Жордан, Фил Жексон, Коби Брайант ва отаси борлигини санаб ўтган.
Аввалроқ америкалик аёл табиий кўринишга эга бўлиш учун 47 марта пластик операция қилдиргани тўғрисида хабар берилганди.
Изоҳ (0)