Yevropa komissiyasi zarur bo‘lmagan safarlarni qat’iy tavsiya etmagan holda YeI mamlakatlari va Yevropa davlatlari bo‘ylab safarlar bo‘yicha tavsiya etilgan sanitariya choralarini kuchaytirdi. Bu haqda Yevrokomissiya rahbari Ursula fon der Lyayen 25-yanvar kuni ma’lum qildi, deb xabar bermoqda “TASS”.
“Yevropadagi vaziyat bizdan qiyin, ammo zarur qarorlarni qabul qilishni talab qiladi — biz xavfsizlikni ta'minlashimiz va keraksiz safarlarni to‘xtatishimiz kerak. Bugun biz Yevropa Ittifoqiga safar qilishning yangi qoidalarini taqdim etdik”, — deb yozgan u Twitter’dagi sahifasida.
Yevropa adliya va qonun ustuvorligi masalalari bo‘yicha komissari Didye Reynders “Yevropada sanitariya holatining og‘irlashganini hisobga olib, biz xavf zonalarini ranglarini tasniflash uchun yangi atama — “to‘q qizil” zonalarni joriy etishni taklif qilamiz”, — deb aytgan. Ayni paytda Yevropa Ittifoqining deyarli butun hududi “qizil” zonaga kiritilgan. Shuning uchun yuqori darajadagi epidemiologik xavfga ega hududlarni ajratib ko‘rsatish uchun yangi toifa yaratish zarurati tug‘ildi.
“Xavfli zonalarga borish va chiqish bilan bog‘liq safarlarga kelsak, ushbu hududlarga zarur bo‘lmagan safarlar tavsiya etilmasligi kerak, bu Yevropa Ittifoqi bo‘ylab va hatto Yevropa Ittifoqi davlatlari ichidagi safarlarga ham tegishli”, — degan u.
Qanday rangda tasniflanishi va epidemiologik vaziyatdan qat’i nazar, Yevropa Ittifoqida 7 ta davlat: Avstraliya, Yangi Zelandiya, Yaponiya, Janubiy Koreya, Singapur, Tailand, Ruandadan tashqari dunyoning barcha davlatlariga muhim bo‘lmagan safarlarga qo‘yilgan taqiq o‘z kuchida qolmoqda.
Shunday qilib, yangi sanitariya choralari agar ma’qullansa, dunyoning boshqa barcha davlatlariga nisbatan amal qiladi.
Yevropa komissiyasining 25-yanvar kuni e’lon qilingan takliflariga ko‘ra, Yevropa Ittifoqiga tashrif buyuradigan barcha shaxslar kamida uch kun oldin qilingan COVID-19’ga qarshi testning salbiy natijasini taqdim etishi shart. Yevropa Ittifoqi fuqarolari uchun istisno tariqasida — kelgandan so‘ng darhol test topshirilishlari mumkin.
Shu bilan birga, test natijalaridan qat’i nazar, kelgandan so‘ng 14 kungacha davom etadigan o‘zini yakkalash tartibiga amal qilishi kerak, karantin muddatlariga hamjamiyat mamlakatlari tomonidan aniqlik kiritilishi lozim.
Avvalroq JSSTning Yevropa mintaqaviy byurosi Jahon sog‘liqni saqlash tashkiloti sayyohlarga vaksinatsiya olganligi to‘g‘risidagi pasport berish masalasini o‘rganib chiqayotganini ma’lum qilgandi. Keyinroq tashkilot koronavirusga qarshi emlanganlik to‘g‘risidagi hujjatning mavjudligi xorijga safar qilishning majburiy shartiga aylanmasligi lozim, degan xulosaga keldi.
Izoh (0)