Шавкат Мирзиёев 21 январь куни Бухорога ташрифини шамолдан зарар кўрган Олот туманидан бошлагани тўғрисида хабар берилганди. Президент Олот тумани марказида Олот, Қоракўл, Жондор ва Шофиркон туманлари фаоллари, маҳалла раислари билан учрашган. Президент матбуот хизмати томонидан давлат раҳбарининг вилоятга ташрифига бағишлаб ишланган махсус репортажида Шавкат Мирзиёев амалдорларга кўпроқ ишлаш кераклигини маслаҳат берганини кўриш мумкин.
Учрашув давомида давлат раҳбари фуқаро ва амалдорлардан таклиф ва саволлар сўраган. Шунингдек, қуруқ ҳисобот билан чекланаётган мансабдорларга камроқ гапириб, кўпроқ ишлашни маслаҳат берган.
«Мен сиз билан биринчи марта гаплашаяпман. Камроқ гапиринг… Менга қилган ишларингизни… Баландпарвоз гаплар менга ёқмайди, иш жойини ташкил қилиб, камбағални камайтириш керак. Энг катта мақсадим шу», — дея қайд этади Шавкат Мирзиёев.
Изоҳ (0)