Бугун,

  • USD 11095.31
  • RUB 173.84
  • EUR 10772.44

Хит Лежер, Курт Кобейн, Жон Леннон – ушбу машҳур инсонлар вафот этганидан сўнг улар ижросидаги фильм ва мусиқалари билан бирга, отасининг изидан кетган меросхўрлари ҳам қолди. Хўш, вафот этган юлдузларнинг фарзандлари ҳозирда нима билан машғул?

Перис Жексон – Майкл Жексоннинг қизи

Фото: «shining-stars.ru»

Фото: «shining-stars.ru»

Перис – поп қиролининг иккинчи рафиқаси – ҳамшира Дебби Роудан кўрган фарзанди бўлиб, у яна Принс Майкл Жексон I нинг ҳам онаси ҳисобланади. Принс Майкл I омма эътиборида бўлишни ёқтирмайди, аммо Перис бунинг акси. Бир неча йил аввал Chanel рекламаларида суратга тушган, шунингдек, отасининг ўлими ва ўз жонига қасд қилишга урингани ҳақида ҳам айтиб ўтган. Перис ака ва укасидан фарқли ўлароқ, отасининг касбини давом эттириш мақсадида санъат йўлини танлади.

Лия Насирова – Мурат Насировнинг қизи

Фото: «spletnik.ru»

Фото: «spletnik.ru»

2007 йилнинг 19 январида 38 яшар ижрочи Мурат Насиров ўз жонига қасд қилган – хонанда яшайдиган уйнинг балконидан ўзини ташлаган. Ўша вақтда унинг фарзандлари Лия ва Аким қўшни хонада бўлган. Фожиадан 10 йил ўтгач, Лия отасиз ўтган ҳаёти ҳақида сўзлаб берган. У Плеханов университетининг халқаро иқтисодиёт факультетида таҳсил олган. Аслида у ҳаётини иқтисодиёт билан боғлаши аниқ эмас, у буни шунчаки олий маълумотли бўлиш, деб билади. Лиянинг юз тузилишини отасиникига ўхшашлигини сезмаслик мумкин эмас. Шунингдек, у отасидан мусиқани ҳам мерос қилиб олган. У болалигидан вокални ўрганиб, пианино ва акустик гитара чалиш билан ҳам шуғулланади. У мусиқасиз яшай олмайди. Унда отасининг кам одамлар биладиган қўшиқлари ҳам бор. Насирова отасининг эълон қилинмаган композициялари устида ишлашни яхши кўради ва бу борада отасининг дўстлари унга ёрдам беришидан умид қилмоқда.

Матилда Роуз Лежер – Хит Лежернинг қизи

Фото: «vev.ru»

Фото: «vev.ru»

Матилда 2005 йилда актёр Хит Лежер ва актриса Мишел Уильямснинг оиласида туғилган. Орадан икки йил ўтиб жуфтлик ажрашишга қарор қилган. Афсуски, 2008 йил Матилданинг отаси Лежер вафот этган.

Фото: «vev.ru»

Фото: «vev.ru»

Кичкина Матилда эндигина улғаймоқда, аммо уни олдинда катта келажак кутаётгани аниқ. Унинг олдига қўйган мақсадлари жуда катта. У 18 ёшга тўлганида киноакадемия томонидан отасининг вафоти туфайли «Бетмен: Қора рицар» фильмидаги Жокер роли учун «Оскар» мукофотини қўлга киритади.

Френсис Бин Кобейн – Курт Кобейннинг қизи

Фото: «shining-stars.ru»

Фото: «shining-stars.ru»

Кортни Лав ва Курт Кобейннинг қизи унчалик ҳам эътибор марказида эмас. Шунинг учун ҳам Френсис таниқли жуфтликнинг қизи ролида узоқ вақт туролмади. У кўпроқ рассомчилик ва ғайриоддий образларни севадиган бўлиб чиқди. 2017 йилда Марк Жейкобс мода уйининг вакилига айланган. У баҳор—ёз коллекциясининг реклама компаниясида иштирок этди. Бироқ Френсисга моделлик фаолияти унчалик ҳам ёқмайди. У ўзини рассом, мусиқачи ва вокалист сифатида синаб кўрган.

Шон Леннон – Жон Ленноннинг ўғли

Фото: Cosmopolitan

Фото: Cosmopolitan

Шон афсонавий рокернинг кенжа ўғли. Шон болалигидаёқ мусиқа оламида ўзини топган. У онасининг ижроларида иштирок этган ва Майкл Жексон билан ҳам ишлаган. Ҳозирда у «The Ghost of a Sabert Tooth Tiger» гуруҳида дўстлари билан куйлайди.

Фото: Cosmopolitan

Фото: Cosmopolitan

Мидоу Рейн Уокер – Пол Уокернинг қизи

Фото: «spletnik.ru»

Фото: «spletnik.ru»

Актёрнинг қизи Гавайида улғайган. У ерда онаси Ребекка Сотерос билан яшаган. Қиз 13 ёшида Калифорнияга, отасининг ёнига кўчиб келган. Орадан икки йил ўтиб, отаси автоҳалокатга учраган. Васиятга кўра, Уокер қизига 25 миллион долларлик бутун бойлигини мерос қилиб қолдирган.

Изоҳ
Asosiy yangiliklar
Маҳаллий
Наманганда ижтимоий тармоқларда сўкинган аудиоси тарқалган туман ҳокимига ҳайфсан берилди
Маҳаллий
Туркиянинг TRT канали Лувр музейидан Катта Лангар Қуръони намойишига оид репортаж тайёрлади (видео)
Маҳаллий
Ковиднинг янги варианти болалар ва ҳомиладорларда қандай кечмоқда?