Россия Федерацияси байроғи остидаги «Арвин» қуруқ юк ташувчи кемаси Қора денгизда Туркиянинг Бартин вилояти соҳиллари яқинида чўкиб кетди, деб ёзади Meduza.
Юк кемасининг экипаж аъзолари — тахминан 15 киши — учта қутқарув қайиғига чиқиб олгани ҳақида вилоят губернатори Синан Гюнер маълум қилган эди.
Кейинроқ бортда жами 13 нафар экипаж аъзоси бўлгани, уларнинг барчаси россиялик экани маълум бўлди. Айни пайтда беш киши қутқарилган. Камида икки киши ҳалок бўлган, деб баёнот берди губернатор.
Ҳозирда экипаж аъзоларини қутқариш учун чоралар кўрилмоқда. Қутқариш ишларини ҳалокат жойидаги ноқулай об-ҳаво қийинлаштирмоқда.
Изоҳ (0)