Rossiya Federatsiyasi bayrog‘i ostidagi “Arvin” quruq yuk tashuvchi kemasi Qora dengizda Turkiyaning Bartin viloyati sohillari yaqinida cho‘kib ketdi, deb yozadi Meduza.
Yuk kemasining ekipaj a’zolari — taxminan 15 kishi — uchta qutqaruv qayig‘iga chiqib olgani haqida viloyat gubernatori Sinan Gyuner ma’lum qilgan edi.
Keyinroq bortda jami 13 nafar ekipaj a’zosi bo‘lgani, ularning barchasi rossiyalik ekani ma’lum bo‘ldi. Ayni paytda besh kishi qutqarilgan. Kamida ikki kishi halok bo‘lgan, deb bayonot berdi gubernator.
Hozirda ekipaj a’zolarini qutqarish uchun choralar ko‘rilmoqda. Qutqarish ishlarini halokat joyidagi noqulay ob-havo qiyinlashtirmoqda.
Izoh (0)