«Манчестер Юнайтед» ва «Эвертон» клублари собиқ ҳужумчиси Уэйн Руни футболчилик фаолиятини якунлади.
Руни «Дерби Каунти»нинг бош мураббийига айланди. 35 ёшли мутахассис билан 2023 йилнинг ёзига қадар мўлжалланган шартнома имзоланган. Уэйн бу жамоада ўйновчи мураббий сифатида ишлаб келаётганди. Ноябрь ойида эса Руни бош мураббий вазифасини бажарувчи этиб тайинланганди.
«Бутун умр футбол ўйнадим, ҳали ҳам унинг бир бўлаги эканим катта омад. Бу мен учун янги боб. Албатта, майдондаги ўйинни соғинаман. Бироқ тўхташ вақти келди. Менинг даврим ўтди, навбат ёш авлодга, мен эса уларни бошқарадиган вақт келди», — дейди Руни.
Руни фаолияти давомида «Эвертон», «Манчестер Юнайтед», «Ди Си Юнайтед» ва «Дерби» клубларида тўп сурган.
Руни «Манчестер Юнайтед» сафидаги 559 ўйинда 253 та гол урган, беш марта Англия чемпионлиги ва бир марта Чемпионлар Лигаси бош совринига эга чиққан. Англия терма жамоасида 120 та ўйин ўтказиб, 53 та гол урган.
«Дерби» Чемпионшипда 19 очко тўплаган ҳолда 22-ўринда бормоқда. Руни бош мураббий сифатидаги илк ўйинини «Ротерҳем»га қарши ўтказади.
Уэйн Рунининг «Манчестер Юнайтед» сафида Премьер Лигадаги топ-10 голи (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)