Футбол бўйича БАА Про-Лигасининг 13-турида 15 январь, жума куни «Шабоб ал-Аҳли» ва «Ан-Наср» жамоалари ўзаро баҳс юритди.
Дубай дербисида «Шабоб ал-Аҳли»нинг қўли баланд келди. Иккинчи бўлим дебютида Яҳё ал-Ғассоний майдон эгаларини олдинга олиб чиқди. Бу гол амалда ўйин тақдирини ҳал қилиб берди.
Мазкур ўйинда Достон Ҳамдамов «Ан-Наср» сафида дебютини ўтказди ва 80-дақиқада захирага олинди. «Шабоб» аъзоси Азизбек Ғаниев эса тўлиқ ҳаракат қилди.
Шу тариқа «Шабоб ал-Аҳли» очколарини 19 тага етказиб олди ва 6-ўринга кўтарилди. «Ан-Наср» (24) 3-поғонада қолди.
БАА Про-Лигаси
13-тур баҳси
15 январь, жума
«Шабоб ал-Аҳли» — «Ан-Наср» 1:0
Гол: 1:0 – 50 ал-Ғассоний.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)