Қашқадарё вилоятида электр таъминотидаги узилишлар масаласи долзарб бўлиб турибди. «Дарё» мухбирининг хабар беришича, нафақат туманларда, балки вилоят маъмурий маркази Қарши шаҳрида ҳам кунига бир неча соатлаб элеткрсиз қолаётган жойлар бор.
Хусусан, 18 декабрь куни Қарши шаҳрининг 6-кичик туманидаги 11, 41, 47, 48, 49, 51, 57-кўп қаватли уйлар олти соат электр энергиясисиз қолган. Бу узилиш 19 декабрь куни ҳам давом этиб, тонг соат 7:00 да ўчган электр таъминоти 4—5 соат ўтиб қайта уланган.
«Ҳудудий электр тармоқлари» компаниясининг Қашқараё вилояти филиали мутасаддилари ушбу узилишларни «электр қурилмалар зўриқиб ишлаётгани сабаб шикастланди ва таъмирлаш учун шунча вақт кетди», дея изоҳлаган.
Қаршилик блогер Отабек Артиковнинг таъкидлашича, у яшайдиган маҳаллада фақат иккита кўп қаватли уй учун ажратилган трансформаторга амалда бир неча кўп қаватли уй ва бир қатор савдо мажмуалари уланган. Шу каби ҳолатлар ортиқча кучланиш ва узилишларга сабаб бўлмоқда.
Изоҳ (0)