Бугун,

  • USD 11014.01
  • RUB 191.8
  • EUR 10674.78

Самарқанд ва Сурхондарё вилоят халқ таълими бошқармаларига янги раҳбарлар тайинланди. Бу ҳақда «Дарё» мухбирлари хабар берди.

Зебинисо Шодиева.

Зебинисо Шодиева.
Фото: «Дарё»

«Дарё»нинг Самарқанд вилоятидаги мухбири Фарҳод Норбўтаевнинг хабар беришича, 21 декабрь куни вилоят ҳокимлигида Эркинжон Турдимов ҳамда халқ таълими вазирининг биринчи ўринбосари Усмон Шарифхўжаев иштирокида халқ таълими соҳасида амалга оширилаётган ишларнинг натижаларига бағишланган йиғилиш бўлиб ўтган.

Йиғилишда ташкилий масала ҳам кўрилган. Шу вақтга қадар Самарқанд тумани ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида фаолият олиб борган Зебинисо Шодиева вилоят халқ таълими бошқармаси бошлиғи лавозимига тайинланган. Аввалги раҳбар Саидаҳмад Усмонов эса нима сабабдан ишдан олинганлиги маълум қилинмаган.

Сурхондарё вилоят ҳокимлиги ахборот хизмати раҳбари Заҳириддин Тўраевнинг маълумот беришича, Сурхондарё вилоят халқ таълими бошқармасига ҳам аёл раҳбар тайинланган.

Айтилишича, бугун, 21 декабрь куни халқ таълими вазирлигининг Кадрларни тайёрлаш, қайта тайёрлаш ва малакасини ошириш бўлими бош мутахассиси лавозимида ишлаб келган Сулув Ҳамидова вилоят халқ таълими бошқармасининг янги раҳбари сифатида таништирилган.

Сулув Ҳамидова.

Сулув Ҳамидова.
Фото: Сурхондарё вилоят ҳокимлиги

Маълум қилинишича, Сулув Ҳамидова 1969 йил Шўрчи туманида туғилган бўлиб, 1990 йилда Тошкент халқ хўжалиги институтини тамомлаган.

Иқтисодиёт фанлари номзоди, доцент Сулув Ҳамидова меҳнат фаолияти давомида Термиз давлат университети ўқитувчиси, катта ўқитувчиси, молия-иқтисодиёт факультети декани ўринбосари, Термиз туманидаги Янгиариқ қишлоқ хўжалик касб-ҳунар коллежи директори, ТерДУ қошидаги Термиз академик лицейи директори, «Адолат» социал демократик партияси вилоят Кенгаши раиси, Тошкент давлат иқтисодиёт университети доценти лавозимларида ҳам ишлаган.

Изоҳ
Асосий янгиликлар