А Серия. Инзаги шогирдлари Элдор Шомуродов жамоасини мағлуб этди, «Милан» ва «Интер»да ғалаба
Футбол бўйича Италия А Сериясининг 13-туридан ўрин олган бир қатор учрашувлар 20 декабрь, якшанба куни бўлиб ўтди.
«Женоа» сафарда «Беневенто»га қарши баҳс юритди. Учрашувнинг биринчи бўлимида майдонда тенг кураш кечди, бироқ танаффусга қадар ҳисоб очилмади. Биринчи бўлимда «Женоа»да биргина ёрқин ҳужум кузатилди: Элдор Шомуродовнинг узоқ масофадан йўллаган кучли зарбасини дарвозабон бартараф қилишга эришди.
57-дақиқада Роберто Инсинье генуяликлар ҳимоясидаги хатодан унумли фойдаланиб, мезбонларни олдинга олиб чиқди. Мазкур голдан кейин меҳмонлар устози Роландо Маран ўзгаришлар амалга оширди ва асосий таркибда майдонга тушган Элдор Шомуродов ҳам майдонни тарк этди. Бироқ бу ўзгаришлар генуяликларга фойда келтирмади. Ўйин якунланиши арафасида мезбонлар пенальти ишлаб олди, уни Марко Сау голга айлантирди.
Мусобақа пешқадами «Милан» «Сассуоло» меҳмони бўлди. Учрашувнинг илк сонияларидаёқ Рафаэл Леау миланликларни олдинга олиб чиқди. Бўлим ўрталарида Алексис Салемакерс жамоасининг иккинчи голини урди. Бунга майдон эгалари ўйин сўнгида Доменико Берардининг голи билан жавоб қайтарди.
«Интер» эса «Специя»ни қабул қилди. Иккинчи бўлим дебютида Ашраф Ҳакими майдон эгаларини олдинга олиб чиққан бўлса, 71-дақиқада Ромелу Лукаку ҳисобни 2:0 кўринишга олиб келди. Ҳакам томонидан қўшиб берилган вақтда Роберто Пикколи меҳмонларнинг жавоб тўпини киритди.
А Серия
13-тур баҳслари
20 декабрь, якшанба
«Беневенто» — «Женоа» 2:0
Голлар: 1:0 – 57 Инсинье, 2:0 – 89, пенальти Сау.«Беневенто»: Монтипо, Туйя (Фулон, 80), Глик, Барба, Летициа, Капрари (Сау, 79), Хетемай, Импрота, Ионице, Инсинье (Тело, 74), Лападула (Ди Серио, 79).
«Женоа»: Перин, Бани, Гольданига (Заппакоста, 75), Масьелло, Чиборра (Кришито, 58), Лерагер, Стураро (Радованович, 58), Пьяца, Гильоне, Дестро (Скамакка, 72), Шомуродов (Пандев, 58).
Огоҳлантиришлар: Бани (13), Капрари (43), Гольданига (67), Масьелло (88).
«Сассуоло» — «Милан» 1:2
Голлар: 0:1 – 1 Рафаэл Леау, 0:2 – 26 Салемакерс, 1:2 – 89 Берарди.«Сассуоло»: Консилйи, Рожерио (Кирьякопулос, 46), Ferrari, Марлон, Толян (Мюльдюр, 61), Траоре (Обианг, 86), Журичич (Бога, 57), Лопес, Бурабия, Берарди, Дефрел (Капуто, 46).
«Милан»: Доннарумма, Романьоли, Калабрия, Калулу, Тео, Тонали (Крунич, 46), Салемакерс (Кастильехо, 79), Кессиэ, Чалхонўғлу (Мальдини, 87), Браҳим Диас (Ҳеуге, 57), Рафаэл Леау.
Огоҳлантиришлар: Кессиэ (61), Берарди (65), Калабрия (71), Романьоли (88).
«Интер» — «Специя» 2:1
Голлар: 1:0 – 51 Ҳакими, 2:0 – 71, пенальти Лукаку, 2:1 – 90+4 Пикколи.«Интер»: Ҳанданович, Янг (Дармиан, 80), Шкриньяр, Бастони, Ҳакими (Д`Амброзио, 80), Барелла, Брозович (Видаль, 66), Гальярдини (Сенси, 46), де Врей, Лукаку (Перишич, 80), Мартинес.
«Специя»: Проведел, Терси, Виняли, Бастони, Исмайли, Деёла (Мажоре, 72), Риччи, Акампора (Мастину, 90), Мора (Агудело, 72), Жаси (Фариас, 80), Нзола (Пикколи, 80).
Огоҳлантиришлар: Брозович (18), Нзола (41), Терси (43).
«Торино» — «Болонья» 1:1
Голлар: 1:0 – 69 Верди, 1:1 – 78 Сориано.«Кальяри» — «Удинезе» 1:1
Голлар: 1:0 – 27 Ликояннис, 1:1 – 57 Лазанья.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
