AKFA Group Бош директор биринчи ўринбосари Камран Ғуломов компанияни IPO’га олиб чиқиш мақсадида эканлигини маълум қилди.
- Бугун мен ғурур билан шуни эълон қилишим мумкинки, бизнинг глобал мақсадларимиздан бири бу IPO’га чиқишдир. Биз бу йўлга қадам қўйдик ва компания акцияларини очиқ бозорга чиқаришга ҳаракат қилмоқдамиз. Шундай бўлса-да, ҳар ким ҳам компаниямиз хусусийдан очиқ жамиятга ўтиши ортида қанчалар катта ҳажмдаги иш борлигини англамайди - деди Камран Ғуломов. - Режаларимизни амалга оширишдаги биринчи қадам сегментдаги энг йирик халқаро мутахассислар – Pricewaterhouse Coopers ва SAP билан шартнома имзолаш бўлди.
Тўлиқ рақамлаштириш туфайли дунё жадал равишда ўзгариб бормоқда. Кўплаб замонавий технологик компаниялар анъанавий бизнес доирасидан чиқиб, IT-ечимларини ишлатган ҳолда бизнес юритишнинг янгича ёндашувлари ва воситаларидан фойдаланиш учун рақамли трансформация босқичидан ўтмоқдалар. Бу ишларни эса технологик гигантлар ва стартаплар имкон қадар тезкорликда амалга оширмоқда. Шу ўринда рақамли трансформацияга ўтиш каби туб ўзгаришларсиз илғор компанияларга етиб бўлмайди.
Режаларни амалга оширишда холдинг олдида катта ва муҳим вазифалар турибди. Асосий босқичлардан бири бу барча бизнес жараёнларни рақамлаштириш ва оптималлаштириш, маълумотларга асосланиб, қарорларни қабул қилишни тезлаштириш, ҳамда шаффофлик ва хавфсизлик тамойилларига асосланган ҳолда Корпоратив бошқарув концепциясини жорий этишдир. Бу каби ёндашув нафақат замонавий ускуналар ёки дастурий таъминотларни ўрнатишни, балки корпоратив маданият ва ташқи алоқаларга ёндашувларни тубдан ўзгартиришни ҳам назарда тутади. Бу эса кўп жабҳаларда: масалан, ташкилот маълумотларини бошқариш бўйича директор SDO каби янги лавозимлар, data scientist каби янги мутахассислар жорий этилишида ҳамда жараёнларни автоматлаштиришда намоён бўлади. Натижада, компаниянинг бир қатор ходимларига янги вазифаларни бажаришлари учун қўшимча вақт яратилмоқда.
Натижада ҳар бир ходимнинг меҳнат унумдорлиги ва мижозлар эҳтиёжини қондириш даражаси ошади, компания эса ўз навбатида ривожланган ва замонавий деган нуфузга эга бўлади.
AKFA Group бизнесни ривожлантириш ва халқаро фонд бозорига чиқиш йўлида муҳим қарор қабул қилди. 8 декабрь куни AKFA Group бош офисида SAP Uzbekistan ва PricewaterhouseCoopers ўртасида ҳамкорлик шартномасини имзолаш маросими бўлиб ўтди.
SAP’ни татбиқ этиш барча бизнес жараёнларни бирлаштириш, тезкор маълумот бериш ва бизнесни рақамли маконга ишончли интеграциясини таъминлаш имконини беради.
Ишончимиз комилки, ушбу йўналишда қабул қилинган қарорлар AKFA компаниялар гуруҳига халқаро бозорда ўз мавқеини мустаҳкамлашга имкон беради.
Реклама ҳуқуқи асосида.
Изоҳ (0)