2020 йилга келиб, кундалик ҳаётда жуда кўп ўзгаришлар юз берди. Маълум бўлишича, кўп нарсалар эскирган, баъзилари аллақачон урфдан қолган ва уларни ишлатишга ҳеч кимнинг вақти ҳам бўлмайди.
Уй телефони
Уяли алоқа пайдо бўлиши билан ушбу қурилма узоқ вақтгача ягона алоқа воситаси бўлиб келди. Ҳозирда улар айрим корхоналарда сақланиб қолган холос. Кейинчалик тугмачали телефонлар пайдо бўлди ва уларнинг тақдири ҳам шундай якун топди. Уларни кекса авлод вакилларида учратиш мумкин. Шунингдек, болалар учун ҳам шу каби қурилмалар харид қилинади, сабаби бузилса ёки йўқолса ҳам зарар қилмайди. Бугунги кунда эса аксарият инсонлар смартфонлардан фойдаланишни афзал билади.
Вентилятор
Бир вақтлар иссиқдан қочишнинг ягона чораси эди. Энди эса уларни ўрнини босувчи кондиционер мавжуд. Вентилятор фақатгина ҳавони қисман совутишни амалга оширган бўлса, кондиционер ҳам иситиб, ҳам совутиш имкониятига эга.
Мусиқа эшитиш мосламаси
Бу қурилма ўн йил аввал кассета ва дисклар, ҳаттоки радио каналларни узатувчи энг севимли мослама эди. Энди эса ҳажман катта бўлган ушбу қурилмани бир неча турли кўринишдаги техникалар эгаллаб олди. Гарчи у айрим хонадонларда сақланаётган бўлсада, ундан деярли ҳеч ким фойдаланмайди. Ҳозирда смартфон, нотбук ёки карнайлар ҳам худди шу вазифани бажара олади.
Гўшт майдалагич
Гўшт майдалагич 10 йил аввал ҳар бир беканинг ошхонасидан топилар эди. Ҳозирда гўшт маҳсулотларини тайёр қиймаланган ҳолда сотиб олиш мумкин. Шунингдек, турли хилдаги маҳсулотлар учун электрон майдалагич ҳам ишлаб чиқарилди. Ушбу қурилма гарчи ҳажман йирик бўлсада, вақтни тежаш борасида анча афзалликларга эга.
Ошхона комбайни
Ушбу қурилма бир вақтлар ҳаммани ҳайратга солар эди. Энди эса уни қўйиш учун жой ҳам йўқ. Уларнинг ўрнини миксер ва блендер эгаллади. Улар ҳар томонлама қулай бўлиб, фойдаланилгандан сўнг ҳар бир қисмини алоҳида ювиш шарт эмас.
Кўча термометри
Энди деразадан ташқарига илинган термометрни кузатишнинг кераги ҳам йўқ. Сабаби смартфоннинг махсус дастурларидан фойдаланиш орқали об-ҳаво маълумотини билиб олиш мумкин. Шунингдек, Фавқулодда вазиятлар вазирлиги ҳар доим об-ҳаво шароити тўғрисида огоҳлантиирб, телефон рақамга хабар юборади.
Металл чойнаклар
Бу ерда, албатта, қалин ва сув қайнаши қйин бўлган чойнаклар назарда тутиляпти. Ҳозирда уларнинг ўрнини юпқа металли ҳамда ҳуштак чалувчилари ёки электрон чойнаклар эгаллади. Улар сувни узоғи билан 5-10 дақиқада қайнатиб беради. Сўнгра қайнагандан сўнг ўзи автоматик равишда ўчади.
Будильник
Энди кўпчиликнинг уйида будильник аввалгидек бир хил овозда жирингламайди. Улар ҳам ўз ўрнини смартфоннинг яна бир қулай дастурига бўшатиб берди. Смартфондаги мавжуд мусиқалар ёрдамида уйғотгич товушларини истаганча ўзгартириш мумкин.
Вафли қолипи
Вафли қолиплари ҳам кўп жой эгаллаши туфайли бекажонларнинг ошхонасидан чиқиб кетди. Албатта, унинг ўрнига ҳар томонлама қулай, турли хил ширинликлар пишириш мумкин бўлган бир неча шаклни ўз ичига олган қурилмалар ишлаб чиқарилди.
Буғли пиширгич
Техника оламида мултиварка пайдо бўлиши билан алоҳида печ ҳамда буғли пиширгичлар аста-секин истеъмолдан чиқа бошлади. Сабаби мултиварка жойни тежайди, керакли барча нарсани ёғсиз ҳамда белгиланган вақтда пиширади, шунингдек, овқатни идишда илиқ тутади. Умуман олганда парҳез ва соғлом овқатланиш қоидаларига амал қиладиганлар учун айни муддао.
Нон пиширгич
Энди нон пишириш учун алоҳида қурилма ошхонада жой эгаллаб турмайди. Камдан-кам ҳолларда уйда нон пиширилиши мумкин. Одатда турли хилдаги нонлар савдо расталарида сотилади. Агарда уйда пиширилгудек бўлса, уни ширинлик, сомса, таом тайёрласа ҳам бўладиган печда пишириб олиш мумкин.
Ярим автомат кир ювиш машинаси
Автомат бўлмаган кир ювиш машиналарига қанча вақт сарфлаш мумкин? У аввал сув билан тўлдирлади, кийимлар солинади. Маълум дақиқадан сўнг яна улар алмаштирилади ва сув янгилананди. Буларнинг барчасини инсон қилади. Кир ювиш машинаси эса шунчаки кирларни баланд овоз билан айлантиради. Аммо автомат кир ювиш машинаси бундай эмас. Ювилиши керак бўлган нарсалар шундоққина ичига солинади. Вақт белгиланади. Ўзи ювиб, қуритиб ҳам қўяди. Натижада бекажонлар бу вақтда бошқа ишларини қилишга улгуриб қолади.
Изоҳ (0)