Ёш, кучли ва фаол бўлишни барча инсонлар хоҳласа керак, тўғрими? Аммо бунинг учун чуқур ўйга толишнинг кераги йўқ. Қуйида мутахассислар тавсия қилган 7 та кетма-кетликни кундалик ҳаётда одатга айлантириш орқали буларга эришиш жуда осон.
Тез-тез табассум қилиш
Самимий ва қувонч билан табассум қиладиган одамлар ҳамиша ёшроқ ва ғайратлироқ бўлиб туюлади. Буни ҳаттоки одамларнинг ёшини суратларга қараб аниқлашда олиб борилган тадқиқот натижаси ҳам исботлади. Тадқиқот қатнашчилари суратдаги инсонларни 5—10 йилга ёш деб баҳолади. Жиддий одамлар акс этган суратларга эса нисбатан катта ёш берилди. Шунинг учун ҳам табассум қилиш керак. Кулги нафақат ҳаётни, балки ёшликни ҳам узайтиради.
Кўпроқ узум истеъмол қилиш
Узум, олхўри ва нокнинг ширинлиги берадиган сорбит моддаси жуда кучли табиий намлантирувчи восита ҳисобланади. Ушбу мевалар тановули туфайли ҳужайралардаги намлик узоқроқ сақланади. Намлик — ёш ва тери эластиклигининг асосий сиридир.
Қошларга эътибор қаратиш
Чиройли қошлар қаришга қарши бўянишнинг асосий тамойилидир. Улар жуда нозик бўлмаслиги ҳам керак. Шунингдек, соч рангидан бир оз очроқ ранг бериш тавсия этилади. Бу билан атрофдагиларнинг диққатини жалб этиш, ёш ва кўркам кўринишга эришиш мумкин.
Қўлларга ғамхўрлик қилиш
Қўллар асосий гувоҳнома бўлиб, ёшни юзга қараганда аниқ намоён қилади. Бунинг учун терини ҳар куни намлаш ва озиқлантириш билан бирга ультрабинафша нурларидан ҳам ҳимоя қилиш керак. Худди юзни асраган каби қўллар ҳам ҳимояга муҳтож.
Кўпроқ кўкат ва сабзавот истеъмол қилиш
Кўкат ва сабзавотлар, айниқса, помидор таркибида кўплаб витамин ва минераллар мавжуд бўлиб, улар ҳужайраларнинг қаришини келтириб чиқарадиган эркин радикаллар таъсирига қарши кураша олади. Бундан ташқари помидор таркибидаги ликопен терини ультрабинафша нурларидан ҳимоялайди. Албатта, рационга помидор маҳсулотини қўшиш фойдалидир.
Ёғли балиқ истеъмол қилиш
Мияни ёш билан боғлиқ касалликлардан ҳимоя қилиш учун ҳафтасига икки маротаба балиқ истеъмол қилиш кифоя. Бундан ташқари, ёғли балиқлар мушаклар тонуси ва тери таранглигини кучайтиради. Баъзи косметологлар мунтазам равишда ёғли балиқ истеъмоли туфайли қаришга қарши кремлардан фойдаланиш шарт эмас, дея таъкидламоқда.
Спорт билан шуғулланиш
Ҳафтада камида 4 маротаба спорт машғулотларини бажариш мушаклар тонуси ва соғлом уйқу учун етарли. Лекин уйқусизлик эрта қаришнинг асосий омилларидан бири ҳисобланади. Шунинг учун ҳафтада иложи борича 150 дақиқа спорт билан шуғулланишни одат қилиш керак.
Изоҳ (0)