COVID-19 пандемияси бутун дунёда тиббий амалиётга жиддий ўзгаришлар киритди. Бу, айниқса, юқори хавф остида бўлган онкологик беморларни даволашга тегишли. Аввало, улар қоидаларга риоя қилишлари керак.
МУҲИМ ТАВСИЯЛАР
Acıbadem шифохонасининг онкологи Риза Умар Гюрсу саратонга чалинган беморларнинг COVID-19 туфайли шифохоналарга ўз вақтида мурожаат қилмасликларига эътибор қаратмоқда, бу уларнинг саломатлиги ва ҳаёти учун янада катта хавф туғдиради. Шифокор бир нечта муҳим ва ҳақиқатан ҳам самарали тавсияларни беради: «Дарҳақиқат, саратонга чалинган беморларнинг вирусга кўпроқ мойиллиги бўлади, шунинг учун улар иложи борича эҳтиёткор бўлиши ва изоляция қилиниши керак. Бу, айниқса, лимфома, лейкемия, суяк илиги саратони каби ташхислар қўйилган беморларга, шунингдек, кимёвий, иммун ва нурли терапияни олаётган беморларга тегишли. Шунга қарамай, барча беморлар ўз вақтида режалаштирилган текширувлардан ўтишлари керак. Сўнгра бемор, тегишли муолажани олгандан сўнг, ўзини изоляция қилиши ва алоқаларни минимал даражага қисқартириши керак, чунки вирус заифлашган танага жуда осонликча «ёпишиши» мумкин.
МУОЛАЖАНИ КЕЧИКТИРИШ МУМКИНМИ?
COVID-19 пандемияси пайтида онкологик беморлар учун жуда кўп хавфлар мавжуд.
Энг муҳимларидан бири шифохоналарга боришни рад этиш, жиддий патологик касалликларни диагностика қилиш ва даволашни кечиктиришдир. Буларнинг барчаси беморнинг аҳволига салбий таъсир қилади. Риза Умар Гюрсу саратонга чалинганлар даволанишни қолдирмасликлари кераклигини таъкидламоқда. Ўз вақтида текширувлардан ўтиш ва даволаниш курсини олиш жуда муҳимдир.
Пандемия қачон тугаши ҳозирча номаълум, шунинг учун қўрқувни ортда қолдириш керак. Шу билан бирга, шифокорнинг фикрига кўра, дастлабки босқичда ташхис қўйилган ва аллақачон ёрдамчи терапияни олган беморлар учун даволанишни кейинга қолдириш мумкин: масалан, ёрдамчи гормон терапиясини олаётган кўкрак бези саратони билан оғриган беморлар. Ушбу қарорлар хавф таҳлили ўтказилгандан сўнг қабул қилиниши керак.
ЯНГИ ШАРОИТЛАРДАГИ ҚОИДАЛАР
Доктор Гюрсу COVID-19 пандемияси пайтида саратонга чалинганларни даволашни ташкиллаштириш тўғрисида шундай дейди: «Шифохонага келиш оралиғини ва касалхонада бўлиш муддатини қисқартириш учун Acıbadem шифохонасида барча керакли ўзгаришлар қилинмоқда. Улар Соғлиқни сақлаш вазирлиги ва Туркия Тиббий Онкология Жамияти тавсияларига мос келади. COVID-19 га гумон қилинмаган беморлар шифохонага камроқ ташриф буюриш билан даволанишни давом эттирмоқдалар. Шифокор кўригига келиш сонини камайтириш учун даволаш режасини (таблетка шаклида) ҳам ўзгартириш мумкин. Агар даволашнинг кутилаётган самараси унча юқори бўлмаса метастазали беморлар терапияси ҳам (беморлар билан муҳокама қилинганидан сўнг) қолдирилиши мумкин.
Acıbadem мутахассислари бошқа шаҳар ва мамлакатлардаги беморларнинг барча қизиқтирган саволларига жавоб бериш учун турли хил алоқа каналларидан фойдаланадилар.
ДИАГНОСТИКА ВА ДАВОЛАШНИ КЕЧИКТИРМАНГ
Ҳозирги COVID-19 пандемиясига қарамай, саратонга чалинган беморлар ҳеч қандай ҳолатда даволанишни рад этмаслиги ёки кечирктирмаслиги керак. Бундай қарор даволовчи шифокор томонидан айтилган ҳолатлар бундан мустасно. Керакли текширувлар ва диагностикадан ўтиш, шунингдек, шифокорлар буюрган терапияни олиш жуда зарур.
Шифохонада барча қоидалар ва хавфсизлик чораларига ниҳоятда қатъий риоя этилади. Лекин даволанишга келувчилар ва уларнинг қариндошлари ҳам ўзларига ва атрофдагиларга хавф туғдирмаслик учун қоидаларни унутмасликлари, уларга риоя қилишлари керак. Беморлар ҳимоя воситаларини тақишлари, гигиена қоидаларига ва ижтимоий масофани сақлашга риоя қилишлари шарт.
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк Ипак Йўли мавзеси, 19-уй.
Телефон: (+99895) 144-54-45
Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru
Реклама ҳуқуқи асосида
Изоҳ (0)