14 ноябрь куни AKFA Group ташаббуси билан ҳайвонларни ҳимоя қилувчи фаоллар, «Меҳр ва оқибат» ҳайвонларни муҳофаза қилиш жамияти ННТ вакиллари билан «Бошпанасиз ҳайвонлар учун бошпана» лойиҳаси масалалари юзасидан учрашув ташкил этилди. Унда уй ҳайвонларини сақлаш ва бошпананинг фаолияти бўйича ўзари тажриба алмашилди.
Тадбир давомида ҳайвонларни ҳимоя қилиш ташкилотлари вакиллари, фаоллар ва кўнгиллилар томонидан лойиҳанинг тафсилотлари ва долзарб масалалар муҳокама қилинди. Жумладан, давра суҳбати давомида муассаса инфратузилмаси ва жараёнлари, техник жиҳозланиши ва режалаштириш, норматив-ҳуқуқий базаси, кадрлар масалалари каби мавзуларга эътибор қаратилди.
Бундан ташқари учрашувда қурилишнинг дастлабки лойиҳаси тақдим этилди. Айтиш жоиз, «Ҳайвонлар учун бошпана» лойиҳаси тегишли музокаралардан сўнг амалга оширилади. Бошпана ҳудудида ёпиқ волерлардан ташқари ходимлар учун мўлжалланган хоналар, тиббиёт бўлими шунингдек, яшил ҳудудни ташкил этиш кўзда тутилган.
Йиғилишда ҳайвонларни ҳимоя қилиш ташкилотлари ва бир гуруҳ кўнгиллилар бошпанани жиҳозлаш ва режалаштириш бўйича ўз тавсияларини берди. Шунингдек, бошқариш борасида ўзларининг тажрибалари билан ўртоқлашди.
AKFA компаниялар гуруҳи бу каби лойиҳалар юқори даражада ижтимоий масъулиятга эга эканлигини инобатга олган ҳолда бундай тадбирларнинг аҳамияти ва муҳимлигини яна бир бор таъкидлайди.
Реклама ҳуқуқи асосида.
Изоҳ (0)