Чили фуқаролари 25 октябрь куни бўлиб ўтган референдумда мамлакатнинг янги конституциясини ишлаб чиқиш учун овоз берди, деб ёзмоқда Meduza.
Фото: Reuters
Овоз бериш натижаларига кўра, янги конституцияни ишлаб чиқиш учун мамлакат аҳолисининг 78 фоизи розилик билдирган.
Мамлакатда 2021 йилнинг баҳорида таъсис мажлиси учун сайлов бўлиб ўтади. Мажлис янги конституцияни ишлаб чиқади. Шундан сўнг мамлакат фуқаролари референдумда конституциянинг тайёр матнини маъқуллаши керак бўлади. Референдумнинг 2022 йилда ўтказилиши кутилмоқда.
Айни пайтда Чилида диктатор Аугусто Пиночета бошқаруви даврида қабул қилинган конституция амал қилмоқда. Унинг матни 1980 йилда тасдиқланган.
Янги конституциянинг қабул қилиниши Чилида 2019 йилнинг кузида бошланган кўп миллионли норозилик намойишлари қатнашчиларининг талабларидан бири бўлган. Уларнинг фикрича, асосий қонуннинг баъзи қоидалари мамлакатда кучли ижтимоий тенгсизликни келтириб чиқарган.
