Футбол бўйича Европа Чемпионлар Лигасининг 1-турида «Реал» 21 октябрь, чоршанба куни «Шахтёр»ни қабул қилди.
Фото: Twitter
Биринчи бўлим аввали мадридликларнинг назорати остида ўтди, бироқ мезбонлар устунликни ҳисобда акс эттира олмади. 29-дақиқада Тете украиналикларни олдинга олиб чиқди. Орадан тўрт дақиқа ўтиб Тетенинг зарбасидан кейин Тибо Куртуа тўпни қайтарди, бироқ қайтган тўпни Рафаэл Варан ўз дарвозасига жойлаб қўйди.
Биринчи бўлим якунланиши арафасида ҳисоб йирик кўриниш олди. 42-дақиқада Манор Соломон «Реал» ҳимоясидаги бепарволикдан унумли фойдаланди.
Иккинчи бўлимда Мадрид жамоаси кутилганидек фаолликни оширди. Қатор ҳужумлар 54-дақиқага келиб самара берди. Лука Модрич узоқ масофадан аниқ зарба йўллаган ҳолда жамоасининг илк голини урди. 59-дақиқада майдонга тушганида саноқли сониялар бўлган Винисиус Жуниор ҳисобдаги фарқни минимал кўринишга келтирди. Қолган вақт «Реал»нинг кучли босими остида ўтди, бироқ майдон эгалари рақиб дарвозаси томон йўл топа олмади.
Шу тариқа Мадридга деярли ярим таркибдаги йўқотишлар билан келган «Шахтёр» ғалаба қозонди.
Параллел баҳсда Москванинг «Локомотив» жамоаси «Зальцбург» майдонида меҳмон бўлди. Аввалига «темир йўлчилар» Эдер Маседунинг голи эвазига олдинга ўтиб олди. Биринчи бўлим якунланиши арафасида Доминик Собослаи супер голи билан ҳисобни тенглаштирди. Иккинчи бўлим дебютида Златко Юнузович мезбонларнинг иккинчи голини урди. 75-дақиқада Виталий Lisaкович мувозанатни тиклади.
ЕЧЛ
1-тур баҳслари
21 октябрь, чоршанба
«Реал Мадрид» Испания — «Шахтёр» Украина 2:3
Голлар: 0:1 – 29 Тете, 0:2 – 33, автогол Варан, 0:3 – 42 Соломон, 1:3 – 54 Модрич, 2:3 – 59 Винисиус Жуниор.
«Реал Мадрид»: Куртуа, Варан, Марсело, Менди, Милитао, Модрич (Кроос, 70), Каземиро, Родриго (Бензема, 46), Вальверде, Асенсио, Йович (Винисиус Жуниор, 59).
«Шахтёр»: Трубин, Корниенко, Додо, Бондар, Хочолава, Маркос Антонио, Соломон, Тете, Майкон, Дентинё (Судаков, 86), Марлос.
Огоҳлантиришлар: Корниенко (8), Асенсио (34), Бондар (83), Милитао (87).
«Зальцбург» Австрия — «Локомотив М» Россия 2:2
Голлар: 0:1 – 19 Эдер, 1:1 – 45 Собослаи, 2:1 – 50 Юнузович, 2:2 – 75 Lisaкович.
«Зальцбург»: Станкович, Вебер, Валчи, Ульмер, Рамальо, Мвепу, Камара (Окугава, 73), Юнузович, Собослаи, Дака, Койта (Бериша, 53).
«Локомотив»: Гильерме, Серкейра, Чорлука, Живоглядов, Рибус, Криховяк, Миранчук (Lisaкович, 69), Куликов, Жемалетдинов (Камано, 63), Смолов (Рибчинский, 62), Эдер (Зе Луиш, 69).
Огоҳлантиришлар: Собослаи (41), Куликов (80).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
