Бугун,

  • USD 11095.31
  • RUB 173.84
  • EUR 10772.44

Қондаги антитаналар миқдори организмга тушган вирус ҳажмига боғлиқ бўлган ҳолда ишлаб чиқарилади. Бу ҳақда Коронавирусга қарши кураш штаби аъзоси Севара Убайдуллаева АОКА ҳузурида ташкил этилган брифингда маълум қилган.

Скриншот: Ўзбекистон24

Скриншот: Ўзбекистон24
Организмга инфекция тушганидан сўнг унинг аломатлари юзага чиқадиган бўлса, бир ҳафта давомида касаллик авж олган даври деймиз. Кейин секин-аста организмнинг тикланиш даври бўлади. Бу даврда организмда иммуноглобулин М ва G ишлаб чиқилиши керак. Биринчи бўлиб иммуноглобулин М антитанаси вирус организмга тушганидан ёки аломатлари сезилганидан 7-8 кундан бошлаб чиқади. Бу даврда турғун иммунитет ҳали бўлмайди. Организмда касалликка нисбатан курашувчан қобилият, унга нисбатан маълум фоизда сизни ҳимоя қилувчи иммуноглобулин G антитаначалари касалликнинг 21-18 кунларида максимал даражада ишлаб чиқарилиб, секин-аста кўтарилиб боради. Антитана организмга тушган вирус ҳажмига боғлиқ бўлган ҳолда ишлаб чиқарилади. Унинг ҳажми қондаги антитаналар миқдорига қараб баҳоланади.

Севара Убайдуллаева, Коронавирусга қарши кураш штаби аъзоси

Аввалроқ COVID-19 касаллигини ўтказган баъзи беморлар организмидаги қон таркибида 90 кунгача вирус айланиб юриши тасдиқлангани, айни даврда инсон вирус тарқатувчи бўлиб юриши ҳақидаги маълумотлар тўлиқ тасдиқланмагани, Ўзбекистонда пандемия бошланганидан буён коронавирусга чалинганларнинг қайта касалланиши ҳолатлари кузатилмагани, коронавирусдан тузалган беморларда 3 ойгача антитаналар сақланиб қолиниши айтилган эди. Эслатиб ўтамиз, Санитария-эпидемиология назорати инспекцияси бош инспектори Нурмат Отабеков вирусли касалликлар, айниқса, респиратор касалликлар билан оғриган одамларда ҳосил бўлган иммун тизими орттирилган иммунитет ҳисобига ушбу касаллик билан қайта касалланишга йўл қўймаслигини таъкидлаган. Шунингдек, Махсус комиссия томонидан керакли шароитларга эга бўлган хусусий секторда фаолият кўрсатувчи лабораторияларга ҳам коронавирусни аниқловчи полимераза занжир реакцияси (ПЗР), иммунофермент таҳлил (ИФА) ва ИХЛА таҳлилларини ўтказиш ҳуқуқи берилгани қайд этилган.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди