Юрак атрофида оғриқнинг пайдо бўлиши кўплаб касалликнинг натижаси бўлиши мумкин. Бу каби ноқулайликнинг асосий сабаби саломатликка эътиборсизликдан келиб чиқади. Шу туфайли ўз вақтида кўрилган чора инсон ҳаёти ва саломатлиги учун фойдалидир.
Юракда оғриқ пайдо бўлганда нима қилиш керак?
Биринчидан, ортиқча ташвишланишни тўхтатиш керак, барча нарсани хотиржамлик билан ҳал қилишга ҳаракат қилиш зарур. Кардиологияда юрак соҳасидаги оғриқ иккига бўлинади: кардиалгия ва ангиноз. Биринчи ёрдамни бериш учун аввал оғриқ қайси тоифага киришини аниқлаб олиш муҳим.
Кардиалгия
Кардиалгияда оғриқ синдроми кўпинча юракдан келиб чиқадиган касалликнинг натижасидир. Буларга остеохондроз, неврологик касалликлар, ошқозонда анормаллик, вегатив-қон томир дистони, аёлларда менопауза ва бошқалар киради.
Кардиалгияда оғриқлар симиллаган, санчиқ ёки ачиштирувчи бўлиши мумкин. Ушбу оғриқлар нитроглицерин ва бошқа юрак дори-дармонлари билан бартараф этилмайди.
Хуружлар кўпинча кучни йўқотиш, терлаш, кўзларнинг жимирлаши ва қон босимини пасайиши билан биргаликда кузатилиши мумкин.
Юрак оғриганда уй шароитида нима қилиш керак?
Биринчи ўринда бемор ўзини тинчлантириши керак. Хонага тоза ҳаво киришини таъминлаш, бемор кўйлагининг тугмаси очилиши керак. Нафас олиш ва ҳаракатга халақит берадиган либосларни ечиб ташлаш зарур. Тинчлантирувчи дори воситаларини қабул қилиш мумкин.
Агар хуруж биринчи марта содир бўлса, нитроглицерин қабул қилмаслик яхшироқдир. Бундай вақтда кучли дори-дармонлар истеъмоли вазиятни янада оғирлаштириши мумкин. Иккинчи талаб қилинадиган ҳаракат, албатта, шифокорни чақириш. Фақатгина мутахассис оғриқнинг асл сабабини тўғри баҳолайди. Шунингдек, етарли даражада ёрдам кўрсатади. Бундай пайтда юрак оғриғини эътиборсиз қолдириш мумкин эмас.
Ангиноз оғриқлар
Ангиноз оғриқлар юрак-қон томир тизимининг жиддий патологияларини кўрсатади. У юракда кучли босим, сиқиш, ёниш ҳиссини пайдо қилади. Агар юракда шу каби оғриқлар пайдо бўлса, шошилинч тез ёрдам чақириш зарур ва бунгача қуйидаги кетма-кетликни амалга ошириш зарур:
- Ҳаракатни дарҳол тўхтатиш, ўтириш ёки ётиш лозим.
- Нитроглицерин ёки унинг ўрнини босувчи дори воситасини тил остига ташлаш ва дори воситасини ётган ҳолда ичиш керак.
- Агар оғриқ 5 дақиқада тўхтамаса, яна битта таблетка ичиш мумкин.
Ушбу оғриқни бартараф этиш учун корвалол ёки валокордин қабул қилиш ноўрин. Чунки дорилар фақат тинчлантиради, аммо юрак хуружларини енгиллаштирмайди.
Кўкрак қафасидаги ўткир оғриқ кўпинча юрак хуружи билан адаштирилади. Кўкракнинг чап қисмида ноқулайлик пайдо бўлганда беморлар кўпинча юрак мускулларини сиқилишидан шубҳа қилиб, терапевт ёки кардиологга мурожаат қилади. Оғриқлар кўкракнинг ярмида жойлашади, унинг марказида бўлмайди. Қоида тариқасида оғриқлар жисмоний кучдан сўнг пайдо бўлади. Бундан ташқари, оғриқ қонда инфекциянинг асорати сифатида пайдо бўлиши ва кейинчалик сурункали ҳолатга ўтиши ҳам мумкин.
Изоҳ (0)