Нидерландия терма жамоаси собиқ ҳужумчиси Робин ван Перси Нидерландия футболи тарихидаги энг яхши беш нафар футболчини санаб ўтди.
«Йохан Кройф, Марко ван Бастен, Деннис Бергкамп, Рууд Гуллит ва Франк Райкард», — дейди ван Перси.
Таъкидлаш жоиз, Робин юқорида санаб ўтган футболчиларининг ҳеч бири билан бирга ўйнамаган.
Фаолиятини «Фейеноорд»да бошлаган футболчи кейинчалик «Арсенал», «Манчестер Юнайтед» ва «Фенербаҳче» жамоаларида тўп сурган. Ван Перси 2019 йилда футболчилик фаолиятини якунлаган. Айни дамда «Фейеноорд» мураббийлар штабида фаолият олиб боради.
Эслатиб ўтамиз, ван Перси Нидерландия терма жамоаси сафида 50 та гол урган ва терма жамоанинг энг яхши тўпурари ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)