Қашқадарёда «Қаршииккиламчиқораметалл» АЖдаги тарозибонлик лавозимига жуда катта пул эвазига ишга киритиб қўйишни ваъда қилган шахс ушланди. Бу ҳақда «Ўзбекистон 24» телеканалида маълум қилинди.
Қарши шаҳрида яшовчи 1977 йилда туғилган шахс юқори лавозимда ишловчи танишлари орқали маҳаллий фуқарони «Қаршииккиламчиқораметалл» акциядорлик жамиятига ишга жойлаштириб қўйиш эвазига 80 минг АҚШ доллари талаб қилади.
Аниқланишича, 80 минг АҚШ доллари оддий тарозибонлик лавозими учун сўралган. ДХХ Қашқадарё вилояти ҳамда департаментнинг вилоят бошқармаси ходимлари томонидан ўтказилган тезкор тадбир давомида мазкур фирибгар сўралган 80 000 АҚШ долларини олган вақтида ашёвий далил билан қўлга олинган.
Ҳозирда қўзғатилган жиноят иши доирасида тергов ҳаракатлари олиб борилмоқда
https://www.youtube.com/watch?v=7XJrNSIvfpg&ab_channel=O%27зМТРКО%27збекистонмиллийтелерадиокомпанияси
Мавзуга доир:
- Тошкентда бўшаб қолган депутатлик ўрнига сайланишда ёрдам бериш учун 3000 доллар сўраган депутат қўлга олинди
- Жиззахда фуқарони 2 млн эвазига коронавирусга чалинганларни даволаш марказига ишга киритишни ваъда қилган ССБ мутахассиси ушланди
- Наманганда 28 сотих ер майдонини 100 минг долларга сотишга уринган «фермер хўжалиги раҳбари» қўлга олинди
Изоҳ (0)