Бугун,

  • USD 11095.31
  • RUB 173.84
  • EUR 10772.44

БМТнинг Озиқ-овқат ва қишлоқ хўжалиги ташкилоти (FАО) томонидан Ўзбекистонда «Тўйиб овқатланмайдиганлар улуши» кўрсаткичлари қайта кўриб чиқилди, деб хабар беради Давлат статистика қўмитаси.

Фото: Спутник

Фото: Спутник

Маълум қилинишича, бунга сабаб 2019 йилнинг 10—12 декабрь кунлари Тошкент шаҳрида FАО экспертлари билан ўтказилган семинарда Статистика қўмитаси мутахассислари Ўзбекистоннинг кўрсаткичлари бўйича эътироз билдириб, FАО эксперти Дориан Каламверос Наварро билан баҳс-мунозара олиб борган.

Натижада FАО мутахассислари Давлат статистика қўмитаси вакилларининг келтирган аниқ исбот-далилларига кўра, Ўзбекистоннинг «Тўйиб овқатланмайдиганлар улуши» кўрсаткичини 2014 йилдан бошлаб, New Food Balance Sheet асосида қайта кўриб чиққан. Қайта ҳисоблаш натижасида кўрсаткичлар 2016—2018 йиллар учун 2,8 фоиз (0,9 миллион киши) ва 2017—2019 йиллар учун 2,6 фоизни (0,8 миллион киши) ташкил этган.

Бу маълумотлар 2020 йилнинг 13 июль куни бўлиб ўтган «Жаҳондаги озиқ-овқат хавфсизлиги ва овқатланиш ҳолати 2020» (SOFI – 2020) ҳисоботи онлайн йиғилишида ҳамда FАО расмий сайти орқали эълон қилинган.

FАО экспертлари 2019 йилги (SOFI – 2019) йиғилишида Ўзбекистоннинг 2016—2018 йилларда тўйиб овқатланмайдиганлар улуши кўрсаткичларини 6,3 фоиз (2 миллион киши) деб эълон қилган эди. Бу кўрсаткич билан Ўзбекистон Марказий Осиёда Қозоғистон (2,1 фоиз) ва Туркманистондан (5,4 фоиз) кейин учинчи ўринни эгаллаган.

Эслатиб ўтамиз, 2019 йилнинг июнида FАО конференциясида Ўзбекистон қишлоқ хўжалиги вазири Жамшид Хўжаев ҳам нутқ сўзлаганди. Вазир конференцияда бутун дунё эътиборини тортаётган муаммо — озиқ-овқат хавфсизлигини таъминлаш масаласига алоҳида эътибор қаратган.

Изоҳ
Асосий янгиликлар
Иқтисодиёт
Ўзбекистонда 2035 йилга бориб аҳоли 45 миллиондан ошиши кутиляпти — PMTI
Дунё
Афғонистонда юқори мартабали амалдорлар “Толибон” етакчисини тахтдан ағдармоқчи 
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда