Нобель қўмитаси дунёда коронавирус тарқалгани муносабати билан Стокгольм шаҳрида бўлиб ўтадиган анъанавий Нобель мукофотини топшириш маросимини бекор қилди. Бу ҳақда «РИА Новости» хабар берди.
«Бу йил Стокгольм филармониясидаги анъанавий Нобель мукофотини топшириш маросими ва анъанавий банкет бекор қилинади. Бунинг ўрнига жонли эфир ва лауреатлар билан онлайн боғланиш бўлиб ўтади ҳамда уларга диплом ва медаллар топширилади», — дейилади қўмита хабарида.
Нобель мукофотини топшириш бўйича анъанавий маросим ҳар йили Швеция пойтахти Стокгольм шаҳрида 10 декабрь куни бўлиб ўтади. Лауреатлар мукофотларни Швеция қиролидан қабул қилиб олади..
Аввалроқ норвегиялик депутат, кейинроқ Швеция парламенти аъзоси Дональд Трампга тинчлик бўйича Нобель мукофоти беришни таклиф қилганди. Шунингдек, россиялик сиёсатчи Алексей Навальний ҳам Нобель мукофотига номзод қилиб кўрсатилгани маълум бўлди.
Изоҳ (0)