Россиянинг Нефть ва газ илмий-тадқиқот ва лойиҳалаштириш институти раиси ўринбосари Д.Мишченко бошчилигида қатор иш берувчи компаниялар вакилларидан иборат делегациянинг 2020 йилнинг август ойида Ўзбекистонга ташрифи доирасида мамлакат фуқароларини йирик қурилиш объектларига ишга жалб қилиш, улар учун қулай шароитлар яратиш ва бошқа масалалар бўйича келишиб олинган эди.
ЎзАнинг хабарига кўра, ушбу келишувга мувофиқ, 20 сентябрь куни 346 нафар ўзбекистонлик Россиянинг Амур вилоятидаги газни қайта ишлаш заводи қурилишида ишлаш учун чартер рейс орқали жўнаб кетди.
Ташқи меҳнат миграцияси агентлиги ахборот хизматидан хабар беришларича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланиши, шунингдек, ойлик иш ҳақи ўртача 40-60 минг рублни ташкил этиши белгиланган.
Юртдошларимиз 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.
Маълум қилинишича, йил якунига қадар 5 мингга яқин Ўзбекистон фуқароларини мазкур завод қурилишга ишга жалб қилиниши режалаштирилган.
Аввалроқ ўзбекистонлик аёллар кўпроқ қайси давлатларга ишлаш учун кетаётгани маълум қилинганди.
Мавзуга доир:
- Россия бир миллиондан ортиқ ўзбекистонлик муҳожирни амнистия қилиши мумкин
- Россиядаги ўзбекистонлик меҳнат мигрантлари учун рус тили ва талаб юқори бўлган касбларни бепул ўрганиш имконияти яратилди
- Ўзбекистонликларнинг Россияда яшаш ва ишлаш шароитларини яхшилаш учун Москвага Ўзбекистон делегацияси жўнайди
Изоҳ (0)