Ўзбекистон «Миллий тикланиш» демократик партияси вакили, Халқ депутатлари Яшнобод туман Кенгаши депутати Дилдора Умарова коронавирус инфекциясидан вафот этди. Бу ҳақида партия ахборот хизматига таяниб, «Уз24» хабар берди.
«Дарё» манбалари ҳам Дилдора Умарованинг коронавирус билан касалланиш оқибатида вафот этганини тасдиқлади.
Дилдора Умарова 1966 йилда туғилган. У 2018 йилдан буён Яшнобод туманидаги 149-сонли мактабгача таълим ташкилоти мудираси лавозимида фаолият юритган. 2019 йилнинг декабрь ойида бўлиб ўтган сайловларда Дилдора Умарова «Миллий тикланиш» демократик партиясидан Халқ депутатлари Яшнобод туман Кенгаши депутатлигига сайланган эди.
«Дарё» ҳисоби бўйича Дилдора Умарова Ўзбекистонда коронавирус оқибатида вафот этган 431-бемор ҳисобланади. Соғлиқни сақлаш вазирлиги ҳозирча депутатнинг коронавирусдан вафот этгани бўйича маълумот бермаган.
Изоҳ (0)