2020 йилнинг энг яхши астрономик фотосуратлари эълон қилинди. Сомон йўли, Калифорния туманлари ва Андромеда галактикаси каби йўналишлар Insight Investment astronomy photographer of the year award танловининг ғолиблари рўйхатига киритилди. Суратлар кўргазмасини Лондондаги Денгиз музейида томоша қилиш мумкин.
Янги фотосуратчиларга бериладиган Сер Патрик Мур соврини ғолиблиги Венгриялик Бенс Тотга насиб этди.
Галактика ҳақидаги юқори эътирофга сазовор бўлган иш: Испаниялик Хуан-Карлос Мунёс-Матеоснинг «Катта Магеллан Булути ҳужуми» деб номланган сурати.
Энг яхши ой сурати йўналишидаги иккинчи ғолиб: Буюк Британиялик Итан Роберцнинг қисман ой тутилиши тасвирланган сурати.
Пейзажлар йўналиши иккинчи ўрин соҳиби: «Саҳро мўъжизаси» номли сурати билан германиялик Стефан Либерман.
«Одамлар ва само» йўналишида иккинчи ўрин ғолиби: Хитойлик Тян Лининг галактикани кузатаётган одам номли сурати.
Мутлақ ғолиб ва галактика йўналиши ғолиби: Франциялик Николя Лефоденинг қўлингни узацанг, етгудек тасвирланган Андромеда галактикаси сурати.
Галактика йўналишидаги иккинчи ғолиб АҚШлик Марк Ҳансон олган биздан 300 000 ёруғлик йили узоқлигидаги NGC 3628 объектининг сурати.
Юлдузлар ва туман йўналиши иккинчи ўрин соҳиби: АҚШлик Коннор Матерннинг «Океандан сакровчи делфин» номли иши.
«Шимол ёғдуси» йўналишининг иккинчи ўрин соҳиби: Тома Арчернинг Скандинавия ёғдуси остидаги якка дарахт номли сурати (Буюк Британия).