OSON – Ўзбекистоннинг бутун дунёдаги фойдаланувчилар эркин фойдалана оладиган биринчи электрон пул тўлов тизимидир. Иловада халқаро Visa, MasterCard ва Мир карталарини боғлаш имконияти пайдо бўлди.
Компанияда ушбу имкониятнинг Ўзбекистонда ва ундан ташқарида яшовчи OSON фойдаланувчилари учун бирдек қулай бўлиши билдирилди.
Масалан, сиз Россияда яшайсиз, оилангиз эса – Ўзбекистонда. Сиз уларнинг ҳисобварағига пул ўтказишингиз ёки уларнинг мобил оператори хизматларига ҳақ тўлашингиз зарур. Нима қилиш керак? Халқаро Visa, MasterCard ёки Мир карталарини OSON тўлов тизимига боғлаш ҳамда сизга керакли ҳамённи тўлдириш лозим. Шунингдек, OSON тизимида барча хизматлар учун ҳақ тўлашингиз мумкин.
Банк ёки мамлакатга оид чекловлар мавжуд эмас. Ушбу хизмат дунёнинг барча мамлакатларида амал қилади. Бу имконият картангизни чиқарган банк иловасини махсус ўрнатиш заруратидан халос қилади.
«Ушбу лойиҳа бўйича маслаҳат бериш учун хорижий экспертларни ҳамда Россия ва европалик ҳамкорларимизнинг мутахассисларини таклиф қилдик. Бизга сифатли натижа муҳим, чунки мижозларимиз учун OSON иловасидан фойдаланишнинг хавфсизлиги ва қулайлиги устувор аҳамиятга эга, — дейди OSON тўлов тизимининг асосчиси Фарход Махмудов. – Чет элдаги OSON фойдаланувчилари ва мамлакатимиз меҳмонлари анчадан бери Ўзбекистонда Visa, MasterCard ва Мир карталари орқали онлайн-сервис ва хизматларга ҳақ тўлаш имкониятини кутаётган эдилар. Ушбу хизматни амалга ошириш устида ишлаш жараёни узоқ ва мураккаб кечди, бироқ бу шунга арзийди. Энди, ўз картангизни OSON тўлов тизимига боғлаш орқали барча хизматларга онлайн тарзда ҳақ тўлашингиз мумкин. Сизга карта ортиқ керак бўлмайди»
Шунингдек тўловларни амалга ошириш пайтида шахсий маълумотларнинг ҳимояси ҳам кучайтирилди. Бунга шахсий маълумотларни ва карта рақамларини токенлаштириш ёрдамида эришилди.
Токенлаштириш – бу маълумотларни шифрлаш ёрдамида электрон тўловларнинг юқори даражадаги хавфсизлигини таъминловчи технологиядир. Унинг ёрдамида сотувчи ва харидор ўртасида шахсий маълумотларни ва реквизитларни узатишга ҳожат қолмайди. Барча маълумотлар ноёб код – токен билан алмаштирилади.
Бунда токеннинг ўзи шахсий маълумотларни сақламайди. У ҳозирги маълумотлар билан банк-экваер даражасида фақат мантиқан боғланган. Энди сизга хизмат ҳақини тўлаш учун ҳар сафар карта маълумотларини киритиш, ёҳуд уларни сотувчи ёки воситачиларга бериш шарт эмас.
Компанияда OSON тизими карта сақловчиларининг маълумотларини сақлаш, қайта ишлаш ва узатиш бўйича PCI DSS 3.2.1 стандарт талабларига мувофиқлик юзасидан тасдиқланган сертификатга эга эканлиги таъкидланди. PCI DSS тўлов карталарининг хавфсизлик стандарти халқаро тўлов тизимлари, шу жумладан VISA ва MasterCard тизимлари томонидан қўллаб-қувватланади.OSON шунингдек Compliance Control PCI DSS Compliance Process (P.D.C.P.) узлуксиз мувофиқлик дастурининг иштирокчиси ҳисобланади.
Эндиликда пулингизнинг хавфсизлиги – OSON назорати остида.
Халқаро карталар орқали ҳақ тўлаш 3D-Secure технологияси билан ҳимояланган. У тўловларни амалга ошириш хавфсизлигини оширади. Оддий қилиб айтганда, 3D-Secure – бу тўлов пайтида карта эгасининг телефонига келадиган код. Ушбу парол ёрдамида фойдаланувчи бошқа бирор кимса эмас, балки айнан ўзи тўлов бажараётганини тасдиқлайди. Агар сақловчи картасига 3D-Secure ҳимояси уланган бўлса, сақловчининг хабарисиз тўловни бажариш имконияти мавжуд эмас.
OSON электрон пуллари – чегарасиз ва хавфсиз пуллар.
Реклама ҳуқуқи асосида.
Изоҳ (0)