Фарғонада Spark билан «КамАз» тўқнашди. ЙТҲ оқибатида икки киши ҳалок бўлди

2020 йил 6 сентябрь куни Фарғона вилоятининг Олтиариқ туманида «КамАз» ҳамда Spark иштирокида йўл транспорт ҳодисаси содир бўлди. Бу ҳақда Йўл ҳаракати хавфсизлиги бош бошқармасининг ахборот хизмати хабар қилди.

Хабарга кўра икки транспорт воситаси 6 сентябрь куни тахминан соат 06:00 ларда Олтиариқ тумани «Хамза» МФЙ ҳудудидан ўтган 4Р-148Б автомобиль йўлининг 5-километрида тўқнашган.

Ҳодиса Spark ҳайдовчиси 1991 йилда туғилган С.Ф.нинг бошқарув вақтида ухлаб қолиши оқибатида рўй берган. Қарама-қарши йўналишга ўтиб кетган Spark қаршисидан келаётган 2001 йилда туғилган ҳайдовчи Б.Б. бошқарувидаги «КамАз-53212» русумли юк автомобили билан тўқнашган.

Spark ҳайдовчиси 29 ёшли С.Ф. ва машина ичидаги йўловчи 1991 йилда туғилган А.Н. оғир тан жароҳатлари олиб воқеа жойида вафот этган.

Мазкур ЙТҲ юзасидан терговолди суриштирув ишлари олиб борилмоқда.

Аввал Фарғонада ҳайдовчилик гувоҳномасисиз экскаваторни бошқарган 19 яшар йигит 68 ёшли фуқарони уриб юборгани, пиёда воқеа жойида вафот этгани, Фарғона вилоятида Damas ва Лабо ўртасида содир бўлган йўл-транспорт ҳодисаси оқибатида бир киши ҳалок бўлгани, Фарғона вилояти Тошлоқ туманида Damas ва «ИЖ» мотоцикли тўқнашуви оқибатида ҳайдовчилардан бири шифохонада ҳаётдан кўз юмгани ҳақида хабарлар берилган.